Mar 2:14-17, Luk 5:27-32 | Ndebele | STEP | Wathi esedlula wabona uLevi okaAlfewu ehlezi endlini yokuthelisela, wasesithi kuye: Ngilandela. Wasesukuma wamlandela .

Mark 2:14-17

14 Wathi esedlula wabona uLevi okaAlfewu ehlezi endlini yokuthelisela, wasesithi kuye: Ngilandela. Wasesukuma wamlandela ^a.

15 Kwasekusithi ehlezi endlini yakhe, labathelisi abanengi lezoni bahlala ekudleni loJesu labafundi bakhe ^b; ngoba babebanengi, njalo bemlandela. 16 Kwathi ababhali labaFarisi, bembona esidla labathelisi lezoni, bathi kubafundi bakhe: Kungani esidla enatha labathelisi lezoni? 17 Kwathi uJesu esezwile wathi kubo: Abaphilileyo kabadingi melaphi, kodwa labo abagulayo. Kangizanga ukubiza abalungileyo, kodwa izoni zize ekuphendukeni.

Luke 5:27-32

Ukubizwa kukaLevi

27 Njalo emva kwalezizinto waphuma, wabona umthelisi, uLevi ngebizo, ehlezi endlini yokuthelisela, wathi kuye: Ngilandela ^c. 28 Wasetshiya konke, wasukuma wamlandela ^d. 29 ULevi wasemenzela ^e idili elikhulu endlini yakhe ^f; njalo kwakukhona ixuku elikhulu labathelisi lelabanye abahlala kanye labo ekudleni ^g. 30 Ababhali babo labaFarisi basebesola kubafundi bakhe, besithi: Kungani lisidla linatha labathelisi lezoni? 31 UJesu wasephendula wathi kubo: Abaphilayo kabasweli melaphi, kodwa abagulayo. 32 Kangizanga ukubiza abalungileyo, kodwa izoni zize ekuphendukeni ^h.