Mar 3:1-6, Luk 6:6-11 | Ndebele | STEP | Wasebuya engena esinagogeni, njalo kwakukhona lapho umuntu olesandla esitshwabheneyo .

a Mat 12:9-14; Luka 6:6-11

b1:21,23,39, 2:1

c Luka 14:1

d Luka 11:54

e Isam 6:16

f Mat 22:16

g Mat 12:9-14; Mark 3:1-6

m Mat 12:14; Mark 3:6

Mark 3:1-6

1 Wasebuya engena ^a esinagogeni, njalo kwakukhona lapho umuntu olesandla esitshwabheneyo ^b. 2 Basebemqaphela ukuthi uzamsilisa ngesabatha ^c, ukuze bambeke icala ^d. 3 Wasesithi kumuntu olesandla esitshwabheneyo: Sukuma uye phakathi. 4 Wathi kubo: Kuvunyelwe yini ngamasabatha ukwenza okulungileyo, kumbe ukwenza okubi? Ukusindisa impilo, kumbe ukubulala? Kodwa bathula. 5 Wasebathalaza ngokuthukuthela, edabukile ngobulukhuni benhliziyo yabo ^e, wathi kumuntu: Yelula isandla sakho. Waselula, isandla sakhe sasesisiliswa saphila njengesinye. 6 Basebephuma abaFarisi bahle bacebisana labakaHerodi bemelane laye, ukuthi bangambulala njani ^f.

Luke 6:6-11

UJesu usilisa ngesabatha

6 Kwasekusithi langelinye isabatha wangena esinagogeni, wafundisa ^g; njalo kwakukhona umuntu lapho, osandla sakhe sokunene sasitshwabhene ^h. 7 Ababhali labaFarisi basebemqaphela ⁱ, ukuthi uzasilisa ngesabatha yini; ukuze bathole okokumbeka icala. 8 Kodwa wayazi imicabango yabo ^j, wathi kumuntu olesandla esitshwabheneyo: Sukuma, ume phakathi. Wasukuma-ke wema. 9 UJesu wasesithi kubo: Ngizalibuza ulutho: Kuvunyelwe yini ngamasabatha ukwenza okulungileyo kumbe ukwenza okubi? Ukusindisa impilo kumbe ukuchitha? 10 Wasebathalaza bonke, wathi kumuntu: Yelula isandla sakho. Wasesenza njalo. Isandla sakhe sasesisiliswa saphila njengesinye ^k. 11 Basebegcwala ubuhlanya ^l; bakhulumisana omunye komunye, ukuthi bangamenzani uJesu ^m.