Mar 7:31-37 | Ndebele | STEP | Wasebuya wasuka emikhawulweni yeTire leSidoni , weza elwandle lweGalili , phakathi kwemikhawulo yeDikapolisi .

Mark 7:31-37

Isacuthe esigagasayo siyasiliswa

31 Wasebuya wasuka ^a emikhawulweni yeTire leSidoni ^b, weza elwandle lweGalili ^c, phakathi kwemikhawulo yeDikapolisi ^d. 32 Basebeletha kuye isacuthe esigagasayo ^e, bamncenga ukuthi abeke isandla sakhe phezu kwaso ^f. 33 Wasesikhupha exukwini sabasodwa, wafaka iminwe yakhe endlebeni zaso ^g, wakhafula ^h wathinta ulimi lwaso ⁱ, 34 ekhangela phezulu ezulwini ^j, wabubula ^k, wathi kuso: "Efatha"; okuyikuthi: Vulwa ^l! 35 Njalo zahle zavulwa indlebe zaso; yasithukululwa intambo yolimi lwaso, sasesikhuluma saqonda ^m. 36 Wasebalaya ukuthi bangatsheli muntu ⁿ; kodwa lanxa ^o wayebalayile kakhulu, kwang'khona bekumemezela ngamandla ^p. 37 Basebemangala kakhulukazi sibili, bathi: Uzenzile kuhle izinto zonke; wenza kokubili izacuthe ukuthi zizwe, lezimungulu ukuthi zikhulume ^q.