aLuka 7:18-35
b14:3
c3:11; Joha 6:14; Gen 49:10; Nani 24:17; Dute 18:15,18; Dan 7:13, 9:24; Hlab 118:26
dIsa 29:18, 35:5,6, 42:7; Mat 15:30; Joha 2:23, 3:2, 5:36, 10:25,38, 14:11
eIsa 29:18, 35:5,6, 42:7; Mat 15:30; Joha 2:23, 3:2, 5:36, 10:25,38, 14:11
fIsa 29:18, 35:5,6, 42:7; Mat 15:30; Joha 2:23, 3:2, 5:36, 10:25,38, 14:11
gIsa 61:1; Luka 4:18; Mat 5:3
hIsa 8:14,15; Mat 13:21,57, 24:10, 26:31; Mark 6:3; Roma 9:33
i3:1; Luka 1:80
jEfe 4:14; Jak 1:6
k14:5, 21:26; Mark 11:32; Luka 1:76, 20:6
lMal 3:1; Mark 1:2
mJobe 14:1
nLuka 16:16
oLuka 16:16
pMal 4:5; Mat 17:10-13; Mark 9:11-13; Luka 1:17; Joha 1:21
q13:9,43; Mark 4:9,23, 7:16; Luka 8:8, 14:35; Isam 2:7,11,17,29, 3:6,13,22, 13:9
rMark 4:30; Luka 13:18,20
s20:13
t2 Sam 1:17
u3:4
vLuka 1:15
w18:17
x9:10
yLuka 7:29
z16:21

Matthew 11:2-19

Ukufakaza kukaJesu kubafundi bakaJohane lakubantu

2Kwathi uJohane a esentolongweni esezwile imisebenzi kaKristu, wathuma ababili babafundi bakhe b, 3wathi kuye: Wena unguye ozayo yini, kumbe silindele omunye? 4UJesu wasephendula wathi kubo: Hambani limtshele uJohane izinto elizizwayo lelizibonayo c: 5Iziphofu zibuye zibone d, leziqhuli ziyahamba, abalobulephero bayahlanjululwa e, lezacuthe ziyezwa, abafileyo bayavuswa f, labayanga bayatshunyayezwa ivangeli g; 6njalo ubusisiwe loba ngubani ongakhubekiyo ngami h.

7Kwathi labo sebesuka uJesu waqala ukukhuluma emaxukwini ngoJohane wathi: Laphuma laya enkangala ukuyabonani i? Umhlanga onyikinywa ngumoya yini? 8Kanti laphumela ukuyabonani? Umuntu owembethe izembatho ezibuthakathaka yini? Khangelani, abembethe ezibuthakathaka basezindlini zamakhosi. 9Pho laphumela ukuyabonani j? Umprofethi yini? Yebo, ngithi kini: Loba owedlula umprofethi k; 10ngoba lo nguye okulotshwe ngaye ukuthi: Khangela, mina ngiyathuma isithunywa sami phambi kobuso bakho, esizalungisa indlela yakho phambi kwakho l. 11Ngiqinisile ngithi kini: Kakuvelanga phakathi kwabazelwe ngabesifazana omkhulu kuloJohane uMbhabhathizi m. Kodwa omncinyane embusweni wamazulu mkhulu kulaye. 12Njalo kusukela ensukwini zikaJohane uMbhabhathizi kuze kube khathesi umbuso wamazulu uphathwa ngodlakela, labalodlakela bawuthatha ngamandla n. 13Ngoba abaprofethi bonke lomlayo baprofetha kwaze kwaba nguJohane o; 14njalo uba livuma ukukwemukela, lo unguElija obezakuza p. 15Olendlebe zokuzwa, akezwe q.

16Kodwa ngizasifananisa lani lesisizukulwana? Sifanana labantwana abahlezi emamakethe r, bememeza kubangane babo s, 17besithi: Salitshayela umhlanga, kodwa kalisinanga; salililela, kodwa kalikhalanga t. 18Ngoba uJohane wafika engadli u enganathi v, basebesithi: Uledimoni. 19INdodana yomuntu yafika isidla inatha, basebesithi: Khangelani, umuntu oligovu lesinathi sewayini, umngane wabathelisi w lezoni x. Kodwa inhlakanipho ithiwa ilungile y ngabantwana bayo z.

Copyright information for Ndebele