Mat 14:1-12, Luk 9:7-9 | Ndebele | STEP | Ngalesosikhathi uHerodi umtetrarki * wezwa indumela kaJesu ,

Matthew 14:1-12

1 Ngalesosikhathi uHerodi ^a umtetrarki* wezwa indumela kaJesu ^b, 2 wasesithi ezincekwini zakhe ^c: Lo nguJohane uMbhabhathizi; yena uvukile kwabafileyo ^d, kungakho-ke imisebenzi yamandla isebenza kuye.

3 Ngoba uHerodi wayembambile uJohane wambopha wamfaka entolongweni ^e, ngenxa kaHerodiyasi umkaFiliphu umfowabo ^f; 4 ngoba uJohane wayethe kuye: Kawuvunyelwa ukuba laye. 5 Njalo efuna ukumbulala ^g, wesaba ixuku ^h, ngoba lalimphatha njengomprofethi ⁱ. 6 Kodwa kwathi kugcinwa usuku lokuzalwa kukaHerodi, indodakazi kaHerodiyasi yagida phakathi kwabo, yamthokozisa uHerodi. 7 Ngakho wathembisa ngesifungo ukuyinika loba yini ezayicela. 8 Kodwa yona, isilayiwe ngunina, yathi ^j: Ngiphe lapha emganwini ^k ikhanda likaJohane uMbhabhathizi. 9 Inkosi yasisiba losizi, kodwa ngenxa yezifungo langalabo ababehlezi layo ekudleni yalaya ukuthi inikwe. 10 Yasithuma yamquma uJohane ikhanda entolongweni. 11 Ikhanda lakhe laselilethwa ngomganu ^l, lanikwa intombi; njalo yona yalisa kunina. 12 Kwasekusiza abafundi bakhe bathatha isidumbu, basingcwaba; basebesuka bambikela uJesu.

Luke 9:7-9

Ukubulawa kukaJohane uMbhabhathizi

7 UHerodi umtetrarki* ^m wasekuzwa konke okwenziwa nguye ⁿ; wasedideka ^o, ngoba kwatshiwo ngabanye ukuthi uJohane uvukile kwabafileyo; 8 langabanye ukuthi uElija ubonakele; langabanye ukuthi kuvukile omunye wabaprofethi abadala. 9 Kodwa uHerodi wathi: UJohane ngamquma ikhanda mina; kodwa ngubani lo, mina engizwa ngaye izinto ezinje? Wasefunisisa ukumbona ^p.