a9:36, 15:32-38; Mark 8:2-9
bLuka 9:11
cLuka 9:12
d14:22, 15:23
e2 Kho 4:42-44
fMark 7:34
g1 Sam 9:13; Mat 26:26; Mark 6:41, 8:7, 14:22; Luka 9:16, 24:30; Mat 15:36
h16:9
iMat 15:32-38; Mark 8:2-9
jMat 9:36
kLuka 9:11
lJoha 6:7
mNani 11:13,21,22; 2 Kho 4:43
n6:7
o6:7

Matthew 14:14-21

14UJesu esephumile wabona ixuku elikhulu, waba lesihelo ngabo a, wasilisa abagulayo babo b.

15Kwathi sekuhlwile abafundi bakhe beza kuye, bathi: Lindawo iyinkangala, lesikhathi sesihambile c; liyekele ixuku lihambe, ukuze baye emizaneni bazithengele ukudla d. 16Kodwa uJesu wathi kubo: Kakuswelekanga ukuthi bahambe; banikeni lina ukuthi badle. 17Kodwa bathi kuye: Kasila lapha ngaphandle kwezinkwa ezinhlanu lenhlanzi ezimbili. 18Wasesithi: Ziletheni lapha kimi. 19Waselaya amaxuku ukuthi ahlale phansi etshanini, wathatha izinkwa ezinhlanu lenhlanzi ezimbili e, wakhangela phezulu ezulwini f, wabusisa, esezihlephule wabanika abafundi izinkwa, labafundi bapha amaxuku g. 20Basebesidla bonke, basutha; badobha imvuthu ezazisele, izitsha ezigcweleyo ezilitshumi lambili h. 21Lalabo abasebedlile babengamadoda angaba zinkulungwane ezinhlanu, ngaphandle kwabesifazana labantwana.

Mark 6:34-44

34Kwathi uJesu esephuma wabona ixuku elikhulu, waba lesihelo ngabo i, ngoba babenjengezimvu ezingelamelusi j; waseqala ukubafundisa izinto ezinengi k.

35Kwathi isikhathi sesihambile, abafundi bakhe beza kuye bathi: Lindawo iyinkangala, lesikhathi sesihambile; 36bayekele, ukuze baye ezigabeni ezizingelezeleyo lemizaneni bazithengele izinkwa; ngoba bengelalutho abangaludla. 37Wasephendula wathi kubo: Banikeni lina ukuthi badle. Basebesithi kuye l: Sihambe yini siyethenga izinkwa ngabodenariyo* abangamakhulu amabili, sibaphe badle m? 38Wasesithi kubo: Lilezinkwa ezingaki? Hambani liyebona. Sebesazi bathi: Zinhlanu, lenhlanzi ezimbili. 39Wasebalaya ukuthi babahlalise bonke phansi ngezigaba ngezigaba etshanini obuluhlaza n. 40Basebehlala phansi ngamaviyo ngamaviyo, ngamakhulu langamatshumi amahlanu o. 41Wasethatha izinkwa ezinhlanu lenhlanzi ezimbili, ekhangela phezulu ezulwini, wabonga, wazihlephula izinkwa, wazinika abafundi bakhe ukuthi bazibeke phambi kwabo; lenhlanzi ezimbili wazabela bonke. 42Basebesidla bonke, basutha. 43Basebedobha izitsha ezilitshumi lambili ezagcwala imvuthu ezazisele, lokuseleyo kwenhlanzi. 44Lalabo abadlayo izinkwa, babengaba ngamadoda azinkulungwane ezinhlanu.

Copyright information for Ndebele