aMark 6:45-56; Joha 6:15-21
bMark 6:46; Luka 6:12, 9:28; Mark 1:35; Luka 5:16
cMark 6:48; Mark 13:35; Eks 14:24
dJobe 9:8
e17:7; Dute 31:6
f28:17, 6:30
g8:2
hHlab 2:7; Mat 4:3,6, 8:29, 26:63; Mark 1:1; Luka 1:35, 4:41; Joha 1:34,49, 11:27, 20:31; Seb 8:37, 9:20; Roma 1:4; 1 Joha 4:15, 5:5; Mat 16:16; Joha 6:69; Heb 1:2,5; Joha 6:14
iLuka 5:1; Joha 6:24,25
j9:20
kMark 3:10; Luka 6:19; Seb 5:15, 19:12; 2 Kho 4:29
lLuka 7:3
mMat 14:22-33; Mark 6:45-51
n18:36, 11:48
oMat 14:23; Mark 6:46; Joha 6:3
pMat 14:22,24; Mark 3:9
qMark 6:45
rMat 14:24; Mark 6:47
s11:18
tMat 14:32; Mark 6:51; Joha 6:17

Matthew 14:22-36

UJesu uhamba phezu kolwandle

22Njalo uJesu wahle wacindezela abafundi bakhe ukuthi bangene emkhunjini, njalo bamqalele ukuya ngaphetsheya, esayekela amaxuku ahambe a. 23Kwathi eseyekele amaxuku ahamba, wenyukela entabeni eyedwa ukuze akhuleke b; kwathi sekuhlwile, wayeyedwa lapho. 24Kodwa umkhumbi wawusuphakathi kolwandle, utshukunyiswa ngamagagasi; ngoba umoya wawuphambene labo. 25Kwathi ngesikhathi somlindo wesine wobusuku uJesu weza kubo, ehamba phezu kolwandle c. 26Kodwa kwathi abafundi bembona ehamba phezu kolwandle bethuka, bathi d: Lithonga. Basebekhala ngokwesaba. 27Kodwa uJesu wahle wakhuluma labo, wathi: Manini isibindi; yimi; lingesabi e. 28UPetro wasemphendula wathi: Nkosi, uba kunguwe, ngilaya ukuthi ngize kuwe phezu kwamanzi. 29Wasesithi: Woza. UPetro wasesehla emkhunjini wahamba phezu kwamanzi, ukuze aye kuJesu. 30Kodwa ebona umoya olamandla wesaba; wathi eseqala ukutshona wakhala, wathi: Nkosi, ngisindisa! 31Njalo uJesu wahle welula isandla, wambamba, wathi kuye: Wena olokukholwa okuncinyane, uthandabuzelani f? 32Sebengenile emkhunjini, umoya wathula. 33Abasemkhunjini basebesiza bamkhonza bathi g: Ngeqiniso wena uyiNdodana kaNkulunkulu h.

UJesu usilisa elizweni leGenesaretha

34Kwathi sebechaphile bafika elizweni leGenesaretha i. 35Esemazi amadoda akuleyondawo athumela ilizwi kuso sonke lesosigaba esizingelezeleyo, aletha kuye bonke abagulayo. 36Basebemncenga, ukuthi bathinte nje umphetho wesembatho sakhe j; njalo bonke k abathintayo basiliswa l.

John 6:15-21

15Kwathi uJesu esazi ukuthi bazakuza bambambe ngamandla m, ukumbeka abe yinkosi n, wabuyela futhi entabeni yena eyedwa o.

UJesu uhamba phezu kolwandle

16Sekuhlwile, abafundi bakhe behlela elwandle, 17sebengenile emkhunjini p, beza ngaphetsheya kolwandle ukuya eKapenawume q. Kwasekumnyama, uJesu wayengafikanga kubo. 18Lwaseluvuka ulwandle ngoba umoya olamandla wawuvunguza. 19Sebegwedlile amastadiyu* angaba ngamatshumi amabili lanhlanu r kumbe amatshumi amathathu s, babona uJesu ehamba phezu kolwandle, esondela emkhunjini; basebesethuka. 20Kodwa wathi kubo: Yimi, lingesabi. 21Basebevuma ukumemukela emkhunjini; njalo wahle wafika umkhumbi elizweni ababesiya kilo t.

Copyright information for Ndebele