Gen 45:9-11, Mat 15:4-6, Mar 7:10-13, Eph 6:1-2 | Ndebele | STEP | Phangisani lenyukele kubaba, lithi kuye: Itsho njalo indodana yakho uJosefa: UNkulunkulu ungimise inkosi yeGibhithe lonke; yehlela kimi, ungaphuzi;

Genesis 45:9-11

9 Phangisani lenyukele kubaba, lithi kuye: Itsho njalo indodana yakho uJosefa: UNkulunkulu ungimise inkosi yeGibhithe lonke; yehlela kimi, ungaphuzi; 10 uzahlala elizweni leGosheni ^a, ube seduze lami, wena labantwana bakho labantwana babantwabakho, lezimvu zakho lenkomo zakho, lakho konke olakho. 11 Njalo ngizakondla lapho, ngoba isekhona iminyaka emihlanu yendlala, hlezi ube ngumyanga, wena lendlu yakho lakho konke olakho ^b.

Matthew 15:4-6

4 Ngoba uNkulunkulu walaya, wathi: Hlonipha uyihlo lonyoko ^c; lokuthi: Othuka uyise kumbe unina kumele afe lokufa ^d; 5 kodwa lina lithi: Loba ngubani othi kuyise kumbe kunina: Kungumnikelo ^e, loba yini evela kimi ingakusiza, 6 njalo engasoze amhloniphe uyise kumbe unina; ngalokho lenza umlayo kaNkulunkulu ^f ube yize ngenxa yesiko lenu ^g.

Mark 7:10-13

10 Ngoba uMozisi wathi: Hlonipha uyihlo lonyoko ^h; lokuthi: Othuka uyise kumbe unina kumele afe ukufa ⁱ; 11 kodwa lina lithi: Aluba umuntu esithi kuyise kumbe kunina: Lokho obungasizwa yimi ngakho, "liKhobane", okuyikuthi umnikelo kuNkulunkulu; 12 kalisamvumeli ukwenzela uyise kumbe unina ulutho ^j, 13 lilenza ize ilizwi likaNkulunkulu ngesiko lenu eliliqhubayo; lezinto ezinengi ezinjalo liyazenza ^k.

Ephesians 6:1-2

1 Bantwana ^l, lalelani abazali benu eNkosini; ngoba lokhu kulungile. 2 Hlonipha uyihlo lonyoko ^m, okungumlayo wokuqala olesithembiso,