Mat 20:20-28 | Ndebele | STEP | Kwasekusiza kuye unina wamadodana kaZebediya kanye lamadodana akhe , waguqa wacela ulutho kuye .

‏ Matthew 20:20-28

UJesu ukhuza amadodana kaZebediya

20 Kwasekusiza kuye unina ^a wamadodana kaZebediya kanye lamadodana akhe ^b, waguqa wacela ulutho kuye ^c. 21 Wasesithi kuye: Ufunani? Wathi kuye: Tshono ukuthi la amadodana ami amabili ahlale ^d, enye ngakwesokunene sakho ^e, lenye ngakwesokhohlo, embusweni wakho. 22 Kodwa uJesu waphendula wathi: Kalikwazi elikucelayo. Linganatha yini inkezo engizayinatha mina ^f, njalo libhabhathizwe ngobhabhathizo engibhabhathizwa ngalo mina ^g? Bathi kuye: Singakwenza. 23 Wasesithi kubo: Ngeqiniso lizayinatha inkezo yami, libhabhathizwe ngobhabhathizo mina engizabhabhathizwa ngalo ^h; kodwa ukuhlala ngakwesokunene sami langakwesokhohlo sami, kayisikho okwami ukuphana ngakho, kodwa kungokwalabo ⁱ abakulungiselweyo nguBaba ^j.

Ubukhulu obuqotho

24 Kwathi sebezwile abalitshumi, bathukuthela ngezelamani ezimbili. 25 Kodwa uJesu wababizela kuye wathi: Liyazi ukuthi ababusi bezizwe ^k bayazibusa ngobulukhuni, lezikhulu zisebenzisa amandla phezu kwazo ^l. 26 Kodwa akuyikuba njalo phakathi kwenu; kodwa loba ngubani othanda ukuba ngomkhulu phakathi kwenu ^m kabe yisisebenzi senu ⁿ; 27 njalo loba ngubani othanda ukuba ngowokuqala phakathi kwenu kabe yisisebenzi senu; 28 njengalokhu iNdodana yomuntu kayizanga ukukhonzwa, kodwa ukukhonza ^o, lokunika impilo yayo ibe lihlawulo ^p labanengi ^q.