d14:5, 21:46
Matthew 21:23-27
Igunya likaJesu
23Kwathi esengenile ethempelini, abapristi abakhulu labadala babantu basondela kuye esafundisa a, bathi: Izinto lezi uzenza ngaliphi igunya? Njalo ngubani okunike leligunya b? 24UJesu wasephendula wathi kubo: Lami ngizalibuza umbuzo ube munye; uba lingitshela lokhu, lami ngizalitshela ukuthi ngenza lezizinto ngaliphi igunya: 25Ubhabhathizo lukaJohane lwavela ngaphi? Ezulwini kumbe ebantwini? Basebekhulumisana, besithi: Uba sisithi: Ezulwini, uzakuthi kithi: Pho kalikholwanga kuye ngani c? 26Kodwa uba sisithi: Ebantwini, siyesaba ixuku d; ngoba bonke bamphatha uJohane njengomprofethi e. 27Basebemphendula uJesu bathi: Kasazi. Wasesithi kubo: Lami kangilitsheli ukuthi ngenza lezizinto ngaliphi igunya.Luke 20:1-8
1Kwasekusithi ngolunye lwalezonsuku f, efundisa abantu ethempelini etshumayela ivangeli, bamfikela abapristi abakhulu lababhali kanye labadala, 2basebekhuluma laye, besithi: Sitshele, ukuthi izinto lezi uzenza ngaliphi igunya, kumbe ngubani okunike leligunya? 3Wasephendula wathi kubo: Lami ngizalibuza umbuzo ube munye, njalo lingitshele: 4Ubhabhathizo lukaJohane lwavela ezulwini, kumbe ebantwini g? 5Basebezindlisana, besithi: Uba sisithi: Ezulwini; uzakuthi: Kungani-ke lingamkholwanga? 6Kodwa uba sisithi: Ebantwini; abantu bonke bazasikhanda ngamatshe h; ngoba baleqiniso lokuthi uJohane wayengumprofethi i. 7Basebephendula ngokuthi kabazi lapho olwavela khona. 8UJesu wasesithi kubo: Lami kangilitsheli ukuthi ngenza lezizinto ngaliphi igunya.
Copyright information for
Ndebele