Mat 23:14-16, 23, 25, 27, 29 | Ndebele | STEP | Maye kini, babhali labaFarisi, bazenzisi, ngoba lidla izindlu zabafelokazi, langokuzenzisa lenza imikhuleko emide; ngakho lizakwemukela ukulahlwa okukhulu .

Matthew 23:14-16

14 Maye kini, babhali labaFarisi, bazenzisi, ngoba lidla izindlu zabafelokazi, langokuzenzisa lenza imikhuleko emide; ngakho lizakwemukela ukulahlwa okukhulu ^a. 15 Maye kini, babhali labaFarisi, bazenzisi, ngoba libhoda ulwandle lomhlaba ukuthi lenze abe munye ophendukela kumaJuda ^b, kuthi nxa esenziwe njalo, limenze umntwana wesihogo ngokuphindwe kabili kulani ^c.

16 Maye kini, bakhokheli abayiziphofu ^d, abathi: Loba ngubani ofunga ngethempeli, akulutho; kodwa loba ngubani ofunga ngegolide lethempeli, ulomlandu ^e.

Matthew 23:23

23 Maye kini, babhali labaFarisi, bazenzisi, ngoba lithela okwetshumi kwetshwayi leganga ledile* lekhumini* ^f; liyekele okunzima komlayo, ukwahlulela lesihawu lokholo; belifanele ukwenza lezizinto, lingaziyekeli lalezo ^g.

Matthew 23:25

25 Maye kini, babhali labaFarisi, bazenzisi, ngoba lihlambulula ingaphandle ^h yenkezo leyomganu, kodwa ngaphakathi kugcwele ukuphanga ⁱ lobuhwaba ^j.

Matthew 23:27

27 Maye kini, babhali labaFarisi, bazenzisi ^k, ngoba lifanana lamangcwaba aconjwe aba mhlophe, abonakala emahle ngaphandle, kanti ngaphakathi agcwele amathambo abafileyo ^l lokungcola konke ^m.

Matthew 23:29

29 Maye kini, babhali labaFarisi, bazenzisi, ngoba lakha amangcwaba abaprofethi ⁿ, licecise amangcwaba abalungileyo ^o,