Mat 24, Luk 21:5-36 | Ndebele | STEP | UJesu wasephuma wasuka ethempelini ; basebesondela abafundi bakhe ukumtshengisa izakhiwo zethempeli.

bt24:43, 25:13, 26:38,40,41; Mark 13:34,35,37, 14:34,37,38; Luka 12:37,39; Seb 20:31; 1 Kor 16:13; Kol 4:2; 1 Thes 5:6,10; 1 Pet 5:8; Isam 3:2,3, 16:15

bu24:36:25:13; Luka 12:40

bv Luka 12:39-46

bw 20:11

bx 1 Thes 5:2; 2 Pet 3:10; Isam 3:3, 16:15

by24:43, 25:13, 26:38,40,41; Mark 13:34,35,37, 14:34,37,38; Luka 12:37,39; Seb 20:31; 1 Kor 16:13; Kol 4:2; 1 Thes 5:6,10; 1 Pet 5:8; Isam 3:2,3, 16:15

bz 6:19

ca 25:10

cb24:36:25:13; Luka 12:40

cc Luka 12:41

cd 25:21,23; 1 Kor 4:2; Heb 3:5

cl Mat 24:1-51; Mark 13:1-37

cu Seb 4:3, 5:18, 12:4, 16:24, 21:27; 2 Kor 11:23; Mat 10:18

cv Fil 1:28; 2 Thes 1:5

cw9:44, 1:66

cx 12:11

cy Eks 4:12

cz Mat 10:30; 1 Sam 14:45

da Roma 5:3; Jak 1:3

db Mat 10:9; Seb 1:18, 8:20, 22:28; Luka 18:12; 1 Thes 4:4

dc 19:43

dd Dan 9:27

de Joha 4:35; Jak 5:4

dj Heb 11:34; Gen 34:26

dk Isam 11:2; Dan 8:13

dl Dan 12:7; Roma 11:25

dm 2 Kor 2:4

dn Mat 24:14

do 13:11

dp Roma 8:23; Efe 4:30

dq 12:57

dr 17:3

ds Roma 13:13; 1 Pet 4:7

dt 1 Kor 6:3,4

du 1 Thes 5:3; Luka 12:40

dz Isam 6:17; Efe 6:13,14; Hlab 1:5

Matthew 24

1 UJesu wasephuma ^a wasuka ethempelini ^b; basebesondela abafundi bakhe ukumtshengisa izakhiwo zethempeli. 2 UJesu wasesithi kubo: Kaliziboni yini zonke lezizinto? Ngiqinisile ngithi kini: Akusoze kutshiywe lapha ilitshe elilodwa phezu kwelitshe, elingasoze lidilizelwe phansi ^c.

3 Kwathi esehlezi entabeni yeMihlwathi ^d, abafundi beza kuye bebodwa, bathi: Sitshele, lezizinto zizakuba nini ^e? Lesibonakaliso sokuza kwakho, lesokuphela kwesikhathi sizakuba yini ^f?

4 UJesu wasephendula wathi kubo: Qaphelani, kungabi khona oliduhisayo ^g; 5 ngoba abanengi bazakuza ngebizo lami, besithi: Mina nginguKristu ^h; futhi baduhise abanengi ⁱ. 6 Njalo lizakuzwa ngezimpi lamahungahunga ezimpi; nanzelelani, lingethuki; ngoba konke lokhu kufanele kwenzeke; kodwa ukuphela kakukabi khona ^j. 7 Ngoba isizwe sizavukela isizwe ^k, lombuso uvukele umbuso ^l; njalo kuzakuba khona indlala labomatshayabhuqe bezifo lokuzamazama komhlaba indawo ngendawo ^m; 8 kodwa zonke lezizinto ziyikuqala kwemihelo ⁿ.

9 Lapho-ke bazalinikela ^o ekuhluphekeni, balibulale; futhi lizazondwa yizizwe zonke ngenxa yebizo lami ^p. 10 Njalo ngalesosikhathi abanengi bazakhubeka ^q, banikelane, bazondane. 11 Futhi kuzavuka abaprofethi bamanga abanengi ^r, baduhise abanengi ^s. 12 Njalo ngenxa yokwanda kobubi, uthando lwabanengi luzaphola; 13 kodwa ophikelelayo kuze kube sekupheleni, nguye ozasindiswa ^t. 14 Njalo lelivangeli lombuso ^u lizatshunyayelwa ^v emhlabeni wonke ^w kube yibufakazi ezizweni zonke; khona-ke kuzafika ukuphela ^x.

15 Ngakho nxa libona amanyala encithakalo, akhulunywa nguDaniyeli umprofethi ^y, emi endaweni engcwele ^z (obalayo kaqedisise) ^aa, 16 khona labo abaseJudiya kababalekele ezintabeni; 17 ophezu kophahla ^ab lwendlu ^ac angehli ukuthatha ulutho endlini yakhe; 18 losemasimini angabuyeli emuva ukuyathatha izembatho zakhe. 19 Kodwa maye kwabakhulelweyo labamunyisayo ngalezonsuku ^ad!

20 Kodwa khulekani ukuthi ukubaleka kwenu kungabi sebusika, loba ngesabatha. 21 Ngoba ngalesosikhathi kuzakuba khona ukuhlupheka okukhulu ^ae, okungazanga kube khona kusukela ekuqaleni komhlaba kuze kube khathesi ^af, njalo okungasayikuba khona ^ag. 22 Uba-ke lezonsuku bezingafinyezwanga, bekungesindiswe nyama ^ah; kodwa ngenxa yabakhethiweyo lezonsuku zizafinyezwa ^ai.

23 Ngalesosikhathi nxa umuntu esithi kini: Khangelani, nangu uKristu, kumbe nanguya, lingakholwa ^aj. 24 Ngoba kuzavuka okristu bamanga labaprofethi bamanga ^ak, benze izibonakaliso ezinkulu lezimangaliso ^al, ukuze kuthi, nxa kungenzeka, baduhise labakhethiweyo ^am. 25 Khangelani, sengilitshelile ngaphambili. 26 Ngakho uba bengathi kini ^an: Khangelani, usenkangala, lingaphumi; khangelani, usendlini yensitha, lingakholwa ^ao. 27 Ngoba njengalokhu umbane ubaneka empumalanga ukhanye lentshonalanga, kuzakuba njalo lokufika kweNdodana yomuntu ^ap. 28 Ngoba loba ngaphi lapho okukhona isidumbu ^aq, lapho amanqe azabuthana khona ^ar.

29 Njalo masinyane emva kokuhlupheka kwalezonsuku ^as, ilanga lizafiphazwa, lenyanga kayiyikupha ukukhanya kwayo ^at, lenkanyezi zizakuwa ezulwini, lamandla amazulu azazanyazanyiswa ^au. 30 Khona-ke sizabonakala ^av ezulwini isibonakaliso seNdodana yomuntu ^aw; njalo besezikhala zonke izizwe zomhlaba ^ax, sezibona ^ay iNdodana yomuntu ^az isiza emayezini ezulu ^ba ilamandla lenkazimulo enkulu ^bb. 31 Njalo izathuma izingilosi zayo ^bc lokukhala okukhulu kophondo ^bd, beseziqoqa abakhethiweyo bayo emimoyeni emine ^be, kusukela emkhawulweni omunye wamazulu kuze kube komunye umkhawulo wawo ^bf. 32 Kodwa fundani umfanekiso emkhiweni; nxa khathesi ugatsha lwawo selusiba buthakathaka, njalo luhlume amahlamvu, liyazi ukuthi ihlobo seliseduze; 33 ngokunjalo lani, nxa libona lezizinto zonke, yazini ukuthi kuseduze ^{▼▼ kuseduze: kumbe, useduze} kuseminyango ^bh. 34 Ngiqinisile ngithi kini: Lesisizukulwana asisoze sidlule, kuze kwenzeke zonke lezizinto ^bi. 35 Kuzadlula izulu lomhlaba ^bj, kodwa amazwi ami awasoze adlule ^bk.

36 Kodwa lolosuku lehola ^bl kakho owaziyo ngalo, ngitsho lezingilosi zemazulwini ^bm, ngaphandle kukaBaba kuphela ^bn.

37 Kodwa njengensuku zikaNowa, kuzakuba njalo ukufika kweNdodana yomuntu ^bo. 38 Ngoba njengakulezonsuku ezaziphambili kukazamcolo ^bp babesidla benatha, bethatha besendiswa, kwaze kwafika usuku uNowa angena ngalo emkhunjini ^bq, 39 njalo babengazi, kwaze kwafika uzamcolo wasebasusa bonke, kuzakuba njalo lokufika kweNdodana yomuntu. 40 Ngalesosikhathi kuzakuba khona ababili ensimini; omunye athathwe, lomunye atshiywe ^br; 41 kuzakuthi abesifazana ababili bechola elitsheni; omunye athathwe, lomunye atshiywe ^bs.

42 Ngakho lindani ^bt, ngoba kalazi ukuthi iNkosi yenu izafika ngaliphi ihola ^bu. 43 Kodwa yazini lokhu ^bv, ukuthi uba umninindlu ^bw ebewazi umlindo isela elizafika ngawo ^bx, ubezalinda ^by, futhi ubengayikuvuma ukuthi indlu yakhe ifohlelwe ^bz. 44 Ngakho lani hlalani lilungile ^ca; ngoba ngehola elingalicabangiyo, iNdodana yomuntu izakuza ^cb.

Umfanekiso wenceku ethembekileyo lowengathembekanga

45 Pho ngubani ^cc inceku ethembekileyo ^cd lehlakaniphileyo, inkosi yayo eyibeke phezu kwabendlu yayo, ukuthi ibanike ukudla ngesikhathi esifaneleyo ^ce? 46 Ibusisiwe leyonceku, okuzakuthi inkosi yayo nxa ifika izayifica isenza njalo ^cf. 47 Ngiqinisile ngithi kini: Izayibeka phezu kwakho konke elakho ^cg. 48 Kodwa nxa leyonceku embi isithi enhliziyweni yayo: Inkosi yami iphuzile ukubuya ^ch, 49 njalo ibisiqala ukutshaya abayizinceku kanye layo, lokudla lokunatha lezidakwa, 50 inkosi yaleyonceku izafika ngosuku engayilindele ngalo, langehola engalaziyo, 51 izayiquma phakathi ^{▼▼ izayiquma phakathi: kumbe, izayiquma iyisuse}, izanika isabelo sayo labazenzisi ^cj; kuzakuba khona lapho ukukhala lokugedla amazinyo ^ck.

Luke 21:5-36

UJesu ukhuluma ngokuchithwa kweJerusalema langokuphela kwesikhathi

5 Abanye besakhuluma ngethempeli, ukuthi liceciswe ngamatshe amahle ^cl langezipho, wathi: 6 Lezizinto elizibonayo, kuzafika insuku okungayikutshiywa ngazo ilitshe phezu kwelitshe, elingayikudilizelwa phansi ^cm.

7 Basebembuza, besithi: Mfundisi, pho lezizinto zizakuba nini? Lesibonakaliso siyini, lapho sekuzakwenzeka lezizinto? 8 Wasesithi: Qaphelani ukuthi lingaduhiswa; ngoba abanengi bazakuza ebizweni lami ^cn, besithi: Nginguye ^co; futhi: Isikhathi sesisondele. Ngakho lingabalandeli ^cp. 9 Njalo nxa lisizwa ngezimpi langeziphithiphithi ^cq, lingethuki ^cr; ngoba lezizinto zimele ukuthi zenzeke kuqala, kodwa ukuphela kakuhle kufike ^cs.

10 Wasesithi kubo: Isizwe sizavukela isizwe, lombuso uvukele umbuso; 11 njalo kuzakuba khona ukuzamazama komhlaba okukhulu indawo ngendawo lezindlala labomatshayabhuqe bezifo; kube khona lezinto ezesabekayo lezibonakaliso ezinkulu ezivela ezulwini.

12 Kodwa ngaphambi kwakho konke lokhu bazalibamba ngezandla zabo, balizingele ^ct, balinikele emasinagogeni lezintolongweni, balise phambi kwamakhosi lababusi, ngenxa yebizo lami ^cu. 13 Njalo lokhu kuzaphenduka kini kube yibufakazi ^cv. 14 Ngakho kubekeni enhliziyweni zenu ^cw ukuthi linganakani ngaphambili ngelizakuphendula ^cx; 15 ngoba mina ngizalinika umlomo lenhlakanipho, abangekuphike, bamelane lakho ^cy, bonke abayizitha zenu. 16 Njalo lizanikelwa langabazali labafowenu lezihlobo labangane, njalo bazabulala abanye benu. 17 Njalo lizazondwa yibo bonke ngenxa yebizo lami. 18 Kodwa kakuyikulahleka ngitsho unwele lwekhanda lenu ^cz. 19 Ekubekezeleni kwenu ^da zuzani imiphefumulo yenu ^db.

20 Kodwa nxa libona iJerusalema ihanqwe ngamabutho ^dc, yazini-ke ukuthi sekusondele ukuchitheka kwayo ^dd. 21 Ngalesosikhathi abaseJudiya kababalekele ezintabeni; labaphakathi kwayo baphume; labasemaphandleni ^de bangangeni kuyo ^df. 22 Ngoba lezi zinsuku zempindiselo ^dg, ukuze kugcwaliseke zonke izinto ezilotshiweyo ^dh. 23 Kodwa maye kwabakhulelweyo labamunyisayo ngalezonsuku! Ngoba kuzakuba khona ukuhlupheka okukhulu emhlabeni, lolaka kulesisizwe ^di. 24 Njalo bazakuwa ngobukhali benkemba, bathunjelwe ezizweni zonke ^dj; leJerusalema inyathelelwe phansi ngabezizwe ^dk, kuze kugcwaliseke izikhathi zabezizwe ^dl.

25 Kuzakuba khona izibonakaliso elangeni lenyangeni lezinkanyezini; lemhlabeni usizi lwezizwe ngokudideka ^dm; kudume ulwandle lamagagasi, 26 abantu baphele amandla ngenxa yokwesaba langokulindela lokho okuzayo emhlabeni; ngoba amandla amazulu azazanyazanyiswa ^dn. 27 Khona-ke bezayibona iNdodana yomuntu isiza eyezini ilamandla lenkazimulo enkulu. 28 Njalo nxa kuqala ukwenzeka lezizinto, manini liqonde njalo liphakamise amakhanda enu ^do; ngoba kusondele ukukhululwa kwenu ^dp.

29 Wasebatshela umfanekiso: Khangelani umkhiwa lazo zonke izihlahla; 30 nxa sezihluma, liyazibonela lani likwazi ukuthi ihlobo selisondele. 31 Ngokunjalo lani, nxa libona lezizinto zisenzeka, yazini ukuthi umbuso kaNkulunkulu useduze. 32 Ngiqinisile ngithi kini: Lesisizukulwana asisoze sidlule, kuze kwenzeke zonke izinto. 33 Kuzadlula izulu lomhlaba, kodwa amazwi ami kawasoze adlule ^dq.

34 Njalo ziqapheleni ^dr, ukuthi inhliziyo zenu zingasindwa ngenxa yokuminza lokudakwa ^ds lokuphisekela izinto zalokhukusila ^dt, lalolosuku lulifikele lingananzelele ^du; 35 ngoba luzafika njengomjibila phezu kwabo bonke abahlezi ebusweni bomhlaba wonke ^dv. 36 Ngakho lindani ngezikhathi zonke ^dw likhulekele ^dx ukuthi lifanele ukuphepha zonke lezizinto ezizakwenzeka ^dy, lokuma phambi kweNdodana yomuntu ^dz.