Mat 26:26-28, Mar 14:22-24, Luk 22:19-20, 1Cor 11:23-27 | Ndebele | STEP | Kwathi besidla, uJesu wathatha isinkwa , wase si busisa, wa si hlephula wabanika abafundi, wathi: Thathani, lidle; lokhu kungumzimba wami .

Matthew 26:26-28

26 Kwathi besidla, uJesu wathatha isinkwa ^a, wasesibusisa, wasihlephula wabanika abafundi, wathi: Thathani, lidle; lokhu kungumzimba wami ^b. 27 Wasethatha inkezo, wabonga, wabanika ^c, esithi: Nathani lonke kuyo; 28 ngoba lokhu ^d kuligazi lami ^e, elesivumelwano esitsha ^f, elichithelwa abanengi ^g kukho ukuthethelelwa kwezono ^h.

Mark 14:22-24

22 Kwathi besidla, uJesu wathatha isinkwa, wasibusisa wasihlephula, wabanika, wathi: Thathani, lidle; lokhu kungumzimba wami. 23 Wasethatha inkezo, esebongile wabanika; basebenatha kuyo bonke. 24 Wasesithi kubo: Leli ligazi lami, elesivumelwano esitsha, elichithelwa abanengi ⁱ.

Luke 22:19-20

19 Wasethatha isinkwa ^j, esebongile ^k wasihlephuna, wabanika, esithi: Lokhu kungumzimba wami, owanikelelwa lina; lokhu kwenzeni ukungikhumbula ^l. 20 Ngokunjalo lenkezo emva kokudla, esithi: Inkezo le iyisivumelwano esitsha egazini lami, elichithelwa lina.

1 Corinthians 11:23-27

Indlela yokuphatha isidlo seNkosi

23 Ngoba mina ngakwemukela ^m eNkosini, lokho lami engalinika khona, ukuthi iNkosi uJesu ⁿ ngobusuku eyanikelwa ngabo yathatha isinkwa, 24 isibongile yasihlephuna ^o, yathi: Thathani, lidle, lokhu kungumzimba wami owahletshunelwa lina ^p; lokhu kwenzeni ukungikhumbula ^{q
,} ^{r
,} ^{▼▼ ukungikhumbula: Gr. kube yisikhumbuzo sami.}. 25 Ngokunjalo lenkezo, sebedlile ^t, yathi: Inkezo le iyisivumelwano esitsha egazini lami; lokhu kwenzeni, loba nini liyinatha, ukungikhumbula. 26 Ngoba loba nini nxa lisidla lesisinkwa, linatha linkezo, litshumayela ukufa kweNkosi ize ifike ^u.

27 Ngakho loba ngubani ^v odla lesisinkwa kumbe anathe inkezo yeNkosi ngokungafanelanga ^w, uzakuba lecala ^x lomzimba legazi leNkosi ^y.