aMark 14:32-42; Luka 22:39-42,45,46
bJoha 18:1
c4:21; Mat 17:1
dFil 2:26
eJoha 12:27
f26:40,41, 24:42
gHeb 5:7
hJoha 12:27
i20:22
j26:42; Joha 5:30, 6:38; Fil 2:8
kMat 6:10
l26:39
mMark 7:18; 1 Kor 6:5
n26:40,41:24:42
oLuka 22:40,46; Efe 6:18; Mat 6:13
pGal 5:17; Roma 7:23
q26:42; Joha 5:30, 6:38; Fil 2:8
r20:22
sMat 6:10
tLuka 9:32
u2 Tim 4:8; Heb 10:13
vMark 14:35
wMat 26:36-46; Luka 22:39-42,45,46
x9:15
yJoha 12:27, 13:1; Mark 14:41; Luka 22:53
zRoma 8:15; Gal 4:6
aaMat 19:26; Heb 5:7
abMat 19:26; Heb 5:7
acMat 26:39,42
ad9:6
aeJoha 13:1

Matthew 26:36-46

EGetsemane

36UJesu wasefika labo endaweni a ethiwa yiGetsemane, wasesithi kubafundi: Hlalani phansi lapha, ngisayakhuleka laphaya b. 37Wasethatha kanye laye uPetro lamadodana amabili kaZebediya c, waqala ukudabuka lokukhathazeka kakhulu d. 38Wasesithi kubo: Umphefumulo wami udabukile kakhulu kuze kube sekufeni e; hlalani lapha lilinde lami f. 39Waseqhubeka ibangana, wawa ngobuso bakhe wakhuleka wathi g: Baba, uba kungenzeka h, kakudlule kimi linkezo i; kodwa kungabi njengoba ngithanda mina j, kodwa njengoba uthanda wena k. 40Wasesiza kubafundi, wabafica belele l, wathi kuPetro: Kanti belingelinde m lami ihola ibenye n? 41Lindani likhuleke, ukuze lingangeni ekulingweni o; umoya isibili uyavuma, kodwa inyama ibuthakathaka p. 42Wabuya wasuka ngokwesibili wakhuleka, wathi: Baba q, uba inkezo le ingedlule kimi, ngaphandle kokuthi ngiyinathe r, kayenziwe intando yakho s. 43Wasebuya wabafica futhi belele, ngoba amehlo abo ayenzima t. 44Wasebatshiya wahamba futhi wakhuleka ngokwesithathu, esitsho wona lawomazwi. 45Wasesiza kubafundi bakhe, wathi kubo: Qhubekani lilele, liphumule u; khangelani, isikhathi sesisondele, futhi iNdodana yomuntu iyanikelwa ezandleni zezoni. 46Sukumani, sihambe; khangelani, onginikelayo useduze v.

Mark 14:32-42

EGetsemane

32Basebefika endaweni ebizo layo yiGetsemane; wasesithi kubafundi bakhe: Hlalani phansi lapha, ngisayakhuleka w. 33Wasethatha kanye laye uPetro loJakobe loJohane, waseqala ukudatshulwa sibili lokukhathazeka kakhulu. 34Wasesithi kubo: Umphefumulo wami udabukile kakhulu kuze kube sekufeni; hlalani lapha lilinde x. 35Waseqhubeka ibangana, wawela emhlabathini, wakhuleka ukuthi, uba kungenzeka, kudlule kuye lelihola y. 36Wasesithi: Abha*, Baba z, zonke izinto ziyenzeka kuwe. Susa linkezo kimi aa; kodwa kungabi yikuthi ngithandani mina, kodwa kube yikuthi uthandani wena ab. 37Wasesiza, wabafica belele, wathi kuPetro: Simoni, ulele yini? Ubungelinde yini ihola libe linye? 38Lindani likhuleke, ukuze lingangeni ekulingweni. Umoya uyavuma-ke, kodwa inyama ibuthakathaka. 39Wasebuya wahamba wayakhuleka, esitsho wona lawomazwi ac. 40Wasebuya wabafica futhi belele; ngoba amehlo abo ayenzima, kodwa babengazi ukuthi bazamphendula bathini ad. 41Wasesiza ngokwesithathu, wathi kubo: Qhubekani-ke lilele, liphumule. Kwanele; ihola selifikile; khangelani, iNdodana yomuntu iyanikelwa ezandleni zezoni. 42Sukumani, sihambe; khangelani, onginikelayo useduze ae.

Copyright information for Ndebele