Matthew 27:15-26
15Futhi ngomkhosi umbusi wayejwayele ukukhululela ixuku a isibotshwa esisodwa, elisifunayo b. 16Njalo ngalesosikhathi babelesibotshwa esidumileyo, esithiwa nguBarabasi c. 17Ngakho sebebuthene, uPilatu wathi kubo: Lithanda ukuthi ngilikhululele bani, uBarabasi, kumbe uJesu othiwa nguKristu? 18Ngoba wayekwazi ukuthi bamnikele ngomona. 19Kwathi esehlezi esihlalweni sokwahlulela d, umkakhe wathumela kuye, wathi: Ungabi landaba lalowo olungileyo e; ngoba lamuhla ngihluphekile kakhulu ngaye ephutsheni f. 20Kodwa abapristi abakhulu labadala bancengana lamaxuku ukuthi acele uBarabasi, ambhubhise uJesu g. 21Wasephendula umbusi wathi kubo: Lithanda ukuthi ngilikhululele bani kulaba ababili? Basebesithi: UBarabasi. 22UPilatu wathi kubo: Pho ngimenzeni uJesu othiwa nguKristu? Bonke bathi kuye: Kabethelwe. 23Umbusi wasesithi: Ngoba wenze bubi bani? Kodwa bamemeza kakhulu, bathi: Kabethelwe! 24Kwathi uPilatu esebonile ukuthi kakusizi lutho, kodwa ukuthi kwasekuqala kulalokhu ukuba lesiphithiphithi h, wathatha amanzi, wageza izandla phambi kwexuku i, wathi: Angilacala ngegazi lalumuntu olungileyo; ziboneleni lina j. 25Bonke abantu basebephendula bathi: Igazi lakhe kalibe phezu kwethu laphezu kwabantwana bethu k. 26Wasebakhululela uBarabasi; kodwa esemtshaye ngesiswepu uJesu wamnikela ukuthi abethelwe l. Mark 15:6-15
6Langomkhosi wayebakhululela isibotshwa esisodwa, loba yisiphi abasicelayo. 7Kwakukhona umuntu othiwa nguBarabasi, owayebotshiwe lalabo ababevukele umbuso laye, ababebulele ekuvukeleni umbuso. 8Ixuku laselimemeza laqala ukucela ukuthi enze njengalokho ayehlezi ekwenza kubo. 9UPilatu wasebaphendula, wathi: Lithanda ukuthi ngilikhululele iNkosi yamaJuda yini m? 10Ngoba wayekwazi ukuthi ngomona abapristi abakhulu bamnikele. 11Kodwa abapristi abakhulu bavusa ixuku, ukuthi kungcono alikhululele uBarabasi n. 12UPilatu wasephendula wathi futhi kubo: Pho lifuna ngimenzeni lo elithi uyiNkosi yamaJuda? 13Basebememeza futhi bathi: Mbethele! 14Kodwa uPilatu wathi kubo: Ngoba wenze ububi bani? Kodwa bamemeza kakhulu bathi: Mbethele! 15Khona uPilatu ethanda ukukholisa ixuku, wabakhululela uBarabasi; kodwa wamnikela uJesu, esemtshaye ngesiswepu, ukuthi abethelwe o. John 18:39-40
39Kodwa lilomkhuba, wokuthi ngilikhululele omunye ngephasika; ngakho liyathanda ukuthi ngilikhululele iNkosi yamaJuda yini p? 40Wonke asememeza futhi q, athi: Hatshi lo, kodwa uBarabasi r; kodwa uBarabasi wayengumphangi s.
Copyright information for
Ndebele