Mat 27:57-61, Mar 15:42-47, Joh 19:38-42 | Ndebele | STEP | Kwathi sekuhlwile , kwafika umuntu onothileyo evela eArimathiya , ibizo lakhe linguJosefa, owayengumfundi kaJesu laye ;

Matthew 27:57-61

Ukungcwatshwa kukaJesu

57 Kwathi sekuhlwile ^a, kwafika umuntu onothileyo evela eArimathiya ^b, ibizo lakhe linguJosefa, owayengumfundi kaJesu laye ^c; 58 yena waya kuPilatu, wacela isidumbu sikaJesu. UPilatu waselaya ukuthi isidumbu asinikwe ^d. 59 UJosefa wasethatha isidumbu wasigoqela ngelembu elicolekileyo elihlambulukileyo, 60 wasibeka engcwabeni lakhe elitsha ^e, elaligujiwe edwaleni ^f; wasegiqela ilitshe elikhulu emnyango wengcwaba, wahamba ^g.

61 Futhi kwakukhona lapho uMariya Magadalena ^h, lomunye uMariya, behlezi maqondana lengcwaba ⁱ.

Mark 15:42-47

Ukungcwatshwa kukaJesu

42 Kwathi sekuhlwile ^j, ngoba kwakungamalungiselelo, okuyikuthi usuku phambi kwesabatha ^k, 43 wafika uJosefa owayevela eArimathiya, ilunga ^l elihloniphekayo ^m lomphakathi, owayelindele laye umbuso kaNkulunkulu ⁿ; wangena ngesibindi kuPilatu, wacela isidumbu sikaJesu. 44 UPilatu wasemangala ngokuthi usefile; wabizela kuye induna yekhulu, wayibuza ukuthi kambe sekuyisikhathi efile. 45 Esazisiwe yinduna yekhulu, wamnika uJosefa isidumbu ^o. 46 Wasethenga ilembu elicolekileyo, wamethula, wamgoqela ngelembu elicolekileyo, wambeka engcwabeni elaligujwe edwaleni; wagiqela ilitshe emnyango wengcwaba. 47 Futhi uMariya Magadalena loMariya unina kaJose babona lapho abekwe khona ^p.

John 19:38-42

Ukungcwatshwa kukaJesu

38 Kwathi emva kwalezizinto uJosefa weArimathiya ^q, owayengumfundi kaJesu, kodwa ngasese ngenxa yokwesaba amaJuda ^r, wacela kuPilatu ukuthi asuse isidumbu sikaJesu; futhi uPilatu wavuma. Ngakho weza wasisusa isidumbu sikaJesu. 39 Kwasekusiza loNikodima ^s, owafika kuJesu kuqala ebusuku, ephethe inhlanganiso ^t yemure* ^u lenhlaba ^v engaba amaphawundi alikhulu ^w. 40 Basebesithatha isidumbu sikaJesu, basibopha ngamalembu acolekileyo kanye lamakha ^x, njengomkhuba wamaJuda wokungcwaba ^y. 41 Njalo kwakukhona kuleyondawo ayebethelwe khona isivande, lesivandeni kwakulengcwaba elitsha, okwakungazange kubekwe muntu kulo. 42 Basebembeka lapho uJesu ngenxa yamalungiselelo amaJuda, ngoba ingcwaba laliseduze ^z.