Mat 3:1-11, Luk 3:2-16 | Ndebele | STEP | Ngalezonsuku kwafika uJohane uMbhabhathizi , etshumayela enkangala yeJudiya ,

1 Ngalezonsuku kwafika uJohane uMbhabhathizi ^a, etshumayela enkangala yeJudiya ^b, 2 esithi: Phendukani; ngoba umbuso wamazulu ususondele ^c. 3 Ngoba nguye okwakhulunywa ngaye nguIsaya umprofethi, esithi: Ilizwi lomemezayo enkangala ^d, lithi: Lungisani indlela yeNkosi; qondisani indledlana zayo ^e. 4 Njalo uJohane lo wayelesembatho sakhe soboya bekamela, lozwezwe lwesikhumba ekhalweni lwakhe ^f; lokudla kwakhe kwakuzintethe ^g loluju lweganga ^h. 5 Kwasekuphumela kuye iJerusalema leJudiya yonke lelizwe lonke elizingelezele iJordani ⁱ; 6 basebebhabhathizwa nguye ^j eJordani bevuma izono zabo ^k.

7 Kwathi ebona abanengi babaFarisi labaSadusi besiza ekubhabhathizeni kwakhe, wathi kubo: Nzalo yezinyoka ^l, ngubani olibonise ukubalekela ulaka oluzayo ^m? 8 Ngakho thelani izithelo ezifanele ukuphenduka; 9 njalo lingacabangi ukutsho phakathi kwenu ⁿlithi: SiloAbrahama ongubaba ^o; ngoba ngithi kini: UNkulunkulu ulamandla okumvusela uAbrahama abantwana kula amatshe. 10 Lakhathesi ihloka selibekiwe empandeni yezihlahla; ngakho sonke isihlahla esingatheli isithelo esihle siyaganyulwa siphoselwe emlilweni ^p. 11 Mina ngilibhabhathiza ngamanzi kube sekuphendukeni ^q; kodwa yena oza emva kwami ulamandla kulami, engingafanele ukuphatha amanyathela akhe ^r; yena uzalibhabhathiza ^s ngoMoya oNgcwele ^t langomlilo ^u;

Luke 3:2-16

2 uAnasi ^v loKayafasi bengabapristi abakhulu ^w, ilizwi likaNkulunkulu lafika kuJohane ^x indodana kaZakariya ^y enkangala ^z. 3 Wasesiza esigabeni sonke seJordani esizingelezeleyo, etshumayela ubhabhathizo lokuphenduka kube yikuthethelelwa kwezono ^aa; 4 njengokulotshiweyo egwalweni lwamazwi kaIsaya umprofethi, ukuthi: Ilizwi lomemezayo enkangala lithi: Lungisani indlela yeNkosi; qondisani indledlana zayo. 5 Sonke isigodi sizagqitshwa, layo yonke intaba loqaqa kuzakwehliswa; njalo kuzaqondiswa amazombazombe, lamaxhakaxhaka ezindlela azalungiswa ^ab; 6 layo yonke inyama ^ac izabona usindiso lukaNkulunkulu ^ad.

7 Ngakho wathi emaxukwini aphumela ukubhabhathizwa nguye: Nzalo yezinyoka, ngubani olixwayise ukubalekela ulaka oluzayo? 8 Ngakho thelani izithelo ezifanele ukuphenduka; njalo lingaqali ukuthi phakathi kwenu ^ae: SiloAbrahama ongubaba wethu; ngoba ngithi kini: UNkulunkulu ulamandla okumvusela uAbrahama abantwana kulamatshe ^af. 9 Lakhathesi lehloka selibekiwe empandeni zezihlahla; ngakho sonke isihlahla esingatheli isithelo esihle siyaganyulwa siphoselwe emlilweni.

10 Amaxuku asembuza, athi: Pho thina sizakwenzani ^ag? 11 Wasephendula wathi kubo: Olezembatho ezimbili, kamuphe ongelaso; lolokudla kenze njalo ^ah. 12 Kwasekufika labathelisi ukuze babhabhathizwe ^ai, basebesithi kuye: Mfundisi, sizakwenzani ^aj? 13 Wasesithi kubo: Lingabizi okwedlula elikumiselweyo ^ak. 14 Lamabutho lawo ambuza, athi: Thina-ke sizakwenzani ^al? Wasesithi kuwo: Lingenzi udlakela ^{▼▼ udlakela: kumbe, lingesabisi umuntu} emuntwini, njalo lingacali ngamanga ^an; njalo yeneliswani yimivuzo yenu ^ao.

15 Kwathi abantu belindile, futhi bonke bezibuza enhliziyweni zabo ngoJohane, ukuthi kambe yena angaba enguKristu ^ap, 16 uJohane waphendula, esithi kubo bonke: Mina-ke ngilibhabhathiza ngamanzi; kodwa uyeza olamandla kulami, engingafanele ukuthukulula umchilo wamanyathela akhe ^aq; yena uzalibhabhathiza ngoMoya oNgcwele langomlilo;