Matthew 3:13-17
Ukubhabhathizwa kukaJesu
13Khona uJesu a evela eGalili b wafika eJordani kuJohane, ukuze abhabhathizwe nguye. 14Kodwa uJohane wayemalela esithi: Mina ngiswela ukubhabhathizwa nguwe, kanti wena uza kimi? 15Kodwa uJesu ephendula wathi kuye: Vuma khathesi; ngoba kusifanele ukuthi sigcwalise ngokunjalo ukulunga konke c. Wasemvumela. 16UJesu esebhabhathiziwe wahle wakhuphuka emanzini; njalo khangela, amazulu amvulekela, wasebona uMoya kaNkulunkulu esehla kungathi lijuba esiza phezu kwakhe d. 17Njalo khangela, ilizwi livela emazulwini e, lisithi: Lo uyiNdodana yami ethandekayo, engithokoza ngayo f.Mark 1:9-11
Ukubhabhathizwa kukaJesu
9Kwasekusithi ngalezonsuku g kwafika uJesu evela eNazaretha yeGalili h, wabhabhathizwa nguJohane eJordani. 10Wenela ukukhuphuka emanzini, wabona amazulu eqhekezeka, loMoya kungathi lijuba esehlela phezu kwakhe; 11kwasekusiza ilizwi livela emazulwini, lathi: Wena uyiNdodana yami ethandekayo, engithokoza ngayo.
Copyright information for
Ndebele