Mat 4:13, Luk 4:31-37 | Ndebele | STEP | wasesuka eNazaretha , weza wahlala eKapenawume engaselwandle, emingceleni yakoZebuloni leyakoNafithali ;

Matthew 4:13

13 wasesuka eNazaretha ^a, weza wahlala eKapenawume engaselwandle, emingceleni yakoZebuloni leyakoNafithali ^b;

Luke 4:31-37

Ukusiliswa kwezigulane eKapenawume

31 Wasesehlela eKapenawume umuzi weGalili; njalo wayebafundisa ngamasabatha ^c. 32 Basebebabaza ngemfundiso yakhe ^d, ngoba ilizwi lakhe lalilamandla ^e.

33 Futhi kwakukhona esinagogeni umuntu owayelomoya wedimoni ongcolileyo, wasememeza ngelizwi elikhulu, 34 wathi: Yekela! Silani lawe, Jesu mNazaretha? Uze ukusibhubhisa yini? Ngiyakwazi wena ukuthi ungubani: ONgcwele kaNkulunkulu ^f. 35 UJesu wasemkhuza, esithi: Thula, uphume kuye ^g! Ledimoni selimwisele phakathi laphuma kuye, lingamlimazanga. 36 Kwasekubafikela bonke ukumangala, bakhulumisana, besithi: Yilizwi bani leli, ukuthi ngegunya langamandla uyalaya omoya abangcolileyo, baphume ^h? 37 Yasiphuma indumela yakhe kuyo yonke indawo yesigaba esizingelezeleyo.