Mat 4:18-22, Luk 5:2-11, Joh 1:40-42 | Ndebele | STEP | Kwathi uJesu ehambahamba elwandle lweGalili wabona izelamani ezimbili , uSimoni othiwa nguPetro , loAndreya umfowabo, bephosela imbule olwandle; ngoba babengabagoli benhlanzi.

‏ Matthew 4:18-22

Ukubizwa kwabafundi bakuqala

18 Kwathi uJesu ehambahamba ^a elwandle lweGalili wabona izelamani ezimbili ^b, uSimoni othiwa nguPetro ^c, loAndreya umfowabo, bephosela imbule olwandle; ngoba babengabagoli benhlanzi. 19 Wasesithi kubo: Ngilandelani, njalo ngizalenza libe ngabagoli babantu. 20 Bahle-ke batshiya amambule bamlandela ^d. 21 Eseqhubeke esuka lapho, wabona ezinye izelamani ezimbili, uJakobe okaZebediya loJohane umfowabo, besemkhunjini kanye loZebediya uyise, belungisa amambule abo; wasebabiza. 22 Njalo bahle batshiya umkhumbi loyise bamlandela.

‏ Luke 5:2-11

2 wabona imikhumbi emibili imi eceleni kwechibi; kodwa abagoli benhlanzi babephumile kiyo behlambulula amambule. 3 Wasengena komunye wemikhumbi, ongokaSimoni, wamcela ukuthi asuke kancinyane emhlabathini ^e. Wasehlala phansi ^f wafundisa amaxuku esemkhunjini ^g.

4 Kwathi eseqedile ukukhuluma, wathi kuSimoni: Ngena enzikini, lehlise amambule enu ukuze libambe ^h. 5 USimoni wasephendula wathi kuye: Nkosi ⁱ, sitshikatshike ubusuku bonke, kasibambanga lutho; kodwa ngokutsho kwakho ngizakwehlisa imbule ^j. 6 Kwathi sebekwenzile lokho, babamba inhlanzi ezinengi kakhulu. Laselidabuka imbule labo ^k. 7 Basebeqhweba ababehlanganyele labo ^l ababekomunye umkhumbi, ukuthi beze babasize; beza-ke bayigcwalisa imikhumbi yomibili, yaze yaqalisa ukutshona ^m. 8 Kuthe uSimoni Petro ebona, wawela emadolweni kaJesu ⁿ, esithi: Suka kimi, Nkosi, ngoba ngingumuntu oyisoni ^o. 9 Ngoba ukumangala kwakumbambile, labo bonke ababelaye, ngokubanjwa kwenhlanzi ababezibambile; 10 ngokufananayo-ke loJakobe loJohane, amadodana kaZebediya, ababehlanganyele loSimoni ^p. UJesu wasesithi kuSimoni: Ungesabi; kusukela khathesi uzagola abantu. 11 Kwathi sebeyifikisile imikhumbi emhlabathini, batshiya konke, bamlandela ^q.

‏ John 1:40-42

40 UAndreya umfowabo kaSimoni Petro ^r wayengomunye wababili ababekuzwe ngoJohane bamlandela.

41 Yena wathola kuqala umfowabo uqobo uSimoni ^s, wathi kuye: Simtholile uMesiya ^{▼▼ Mesiya: kumbe, ogcotshiweyo.}, okuphendulelwa ngokuthi, uKristu ^u. 42 Wasemletha kuJesu. UJesu esemkhangele wathi ^v: Wena unguSimoni indodana kaJona ^w; uzathiwa nguKefasi, okuphendulelwa ngokuthi uPetro ^x.