Mat 4:18-22, Mar 1:16-20, Joh 1:40-42 | Ndebele | STEP | Kwathi uJesu ehambahamba elwandle lweGalili wabona izelamani ezimbili , uSimoni othiwa nguPetro , loAndreya umfowabo, bephosela imbule olwandle; ngoba babengabagoli benhlanzi.

Matthew 4:18-22

Ukubizwa kwabafundi bakuqala

18 Kwathi uJesu ehambahamba ^a elwandle lweGalili wabona izelamani ezimbili ^b, uSimoni othiwa nguPetro ^c, loAndreya umfowabo, bephosela imbule olwandle; ngoba babengabagoli benhlanzi. 19 Wasesithi kubo: Ngilandelani, njalo ngizalenza libe ngabagoli babantu. 20 Bahle-ke batshiya amambule bamlandela ^d. 21 Eseqhubeke esuka lapho, wabona ezinye izelamani ezimbili, uJakobe okaZebediya loJohane umfowabo, besemkhunjini kanye loZebediya uyise, belungisa amambule abo; wasebabiza. 22 Njalo bahle batshiya umkhumbi loyise bamlandela.

Mark 1:16-20

Ukubizwa kwabafundi bakuqala

16 Kwathi ehambahamba elwandle lweGalili wabona uSimoni loAndreya umfowabo, bephosela imbule olwandle; ngoba babengabagoli benhlanzi ^e. 17 UJesu wasesithi kubo: Ngilandelani, ngizalenza libe ngabagoli babantu. 18 Njalo bahle batshiya amambule abo, bamlandela. 19 Eseqhubeke ibangana esuka lapho, wabona uJakobe okaZebediya, loJohane umfowabo, labo babesemkhunjini belungisa amambule abo. 20 Njalo wahle wababiza; basebetshiya uyise uZebediya emkhunjini leziqhatshwa, basuka bamlandela.

John 1:40-42

40 UAndreya umfowabo kaSimoni Petro ^f wayengomunye wababili ababekuzwe ngoJohane bamlandela.

41 Yena wathola kuqala umfowabo uqobo uSimoni ^g, wathi kuye: Simtholile uMesiya ^{▼▼ Mesiya: kumbe, ogcotshiweyo.}, okuphendulelwa ngokuthi, uKristu ⁱ. 42 Wasemletha kuJesu. UJesu esemkhangele wathi ^j: Wena unguSimoni indodana kaJona ^k; uzathiwa nguKefasi, okuphendulelwa ngokuthi uPetro ^l.