Mat 8:14-16, Luk 4:38-41 | Ndebele | STEP | Kwathi uJesu engene endlini kaPetro , wabona uninazala elele njalo ebulawa luqhuqho .

Matthew 8:14-16

Uninazala kaPetro labanye abagulayo bayasiliswa

14 Kwathi uJesu engene endlini kaPetro ^a, wabona uninazala ^b elele njalo ebulawa luqhuqho ^c. 15 Wasebamba isandla sakhe, njalo uqhuqho lwamyekela; wasesukuma, wabancedisa ^d.

16 Kwathi sekuhlwile baletha kuye abanengi ababengenwe ngamadimoni; wasekhupha omoya ngelizwi, wasilisa bonke abagulayo ^e;

Luke 4:38-41

Uninazala kaPetro labanye abagulayo bayasiliswa

38 Wasesukuma ^f waphuma esinagogeni, wayangena endlini kaSimoni ^g; njalo uninazala kaSimoni wayebanjwe luqhuqho olukhulu; basebemcelela kuye. 39 Wasemengama, wakhuza uqhuqho, khona lwamyekela; njalo wahle wasukuma wabasebenzela ^h.

40 Kwathi ekutshoneni kwelanga, bonke ababelababegula izifo ezitshiyeneyo babaletha kuye ⁱ; wasebeka izandla kulowo lalowo wabo wabasilisa ^j. 41 Kwasekuphuma lamadimoni kwabanengi ^k, ememeza esithi: Wena unguKristu ^l iNdodana kaNkulunkulu ^m. Wasewakhuza ⁿ engawavumeli ^o ukuthi akhulume, ngoba ayemazi ukuthi unguKristu.