a12:16
b20:1, 27:14, 33:36, 34:3; Dute 32:51; Josh 15:1
cJosh 19:28
d34:8
e13:28,33; Dute 1:28, 2:10, 9:2; Josh 11:21,22, 15:13,14; Hlu 1:10
fJosh 14:15, 15:13, 21:11; Gen 13:18
gHlab 78:12,43; Isa 19:11,13, 30:4; Hez 30:14
hDute 1:24,25
i4:10,12
jGen 14:7, 16:14, 20:1; Nani 20:1,16, 32:8, 33:36; Dute 1:19; Josh 14:6,7
k14:8; Eks 3:8
lDute 1:25
mDute 1:28, 9:1,2
nDute 1:28, 9:1,2
oEks 17:8; Nani 14:25,43, 24:20; Dute 25:17; Hlu 6:3; 1 Sam 14:48, 15:2,3
p14:25; 2 Sam 24:7
q14:6,24
r32:9; Dute 1:28; Josh 14:8
sGen 37:2; Nani 14:36,37; Hlab 31:13
tAmos 2:9
uGen 6:4
vLevi 11:22; Tshu 12:5; Isa 40:22; 2 Lan 7:13
wNani 13:3
xNani 13:22-27
y1:43; Josh 1:18; Hlab 107:11
zHlab 106:25; Nani 14:1-4
aa9:28
abJosh 14:8
acNani 13:28-33; Dute 9:1,2
adNani 13:22

Numbers 13:3

3UMozisi wawathuma-ke esuka enkangala yeParani a, ngokomlayo weNkosi; wonke lawomadoda ayezinhloko zabantwana bakoIsrayeli.

Numbers 13:21-33

21Basebesenyuka, balihlola ilizwe kusukela enkangala yeZini b kuze kube seRehobi c, ekungeneni eHamathi d. 22Benyuka-ke ngeningizimu bafika eHebroni, lapho kwakulaboAhimani, uSheshayi, loTalimayi, abantwana bakaAnaki e. IHebroni f lakhiwa-ke iminyaka eyisikhombisa kungakabi leZowani eGibhithe g. 23Basebefika esihotsheni seEshikoli h; baquma khona ugatsha olulehlukuzo elilodwa lezithelo zevini, baluthwalisana ngesigodo ngababili i, lokwamapomegranati* lokwemikhiwa. 24Leyondawo kwathiwa yisihotsha seEshikoli, ngenxa yehlukuzo abantwana bakoIsrayeli abaliqumayo lapho. 25Basebebuya bevela ekuhloleni ilizwe ekupheleni kwensuku ezingamatshumi amane.

26Basebehamba bafika kuMozisi lakuAroni lakunhlangano yonke yabantwana bakoIsrayeli enkangala yeParani, eKadeshi j; basebebuyisela umbiko kubo lakunhlangano yonke, basebebatshengisa isithelo selizwe. 27Basebembikela bathi: Safika elizweni owasithuma kulo; njalo ngeqiniso, ligeleza uchago loluju k; lalesi yisithelo salo l. 28Kodwa-ke abantu abahlala elizweni balamandla m, lemizi ibiyelwe ngemithangala n, mikhulu kakhulu; njalo-ke sibone khona inzalo kaAnaki. 29AmaAmaleki akhile elizweni leningizimu o; lamaHethi lamaJebusi lamaAmori akhile entabeni; lamaKhanani akhile elwandle leceleni kweJordani p. 30UKalebi wasethulisa abantu phambi kukaMozisi q, wathi: Asenyukeni lokwenyuka, sidle ilifa lalo, ngoba silamandla okulinqoba. 31Kodwa amadoda ayenyuke laye athi: Kasilamandla okwenyukela kulabobantu, ngoba balamandla kulathi r. 32Basebeveza umbiko omubi ngelizwe ababelihlolile s ebantwaneni bakoIsrayeli besithi: Ilizwe esidabule kulo ukulihlola yilizwe elidla abantu abahlala kulo; labantu bonke esababona phakathi kwalo bangamadoda amade kakhulu t. 33Lalapho sibone iziqhwaga, amadodana kaAnaki, avela eziqhwageni u. Lemehlweni ethu sasinjengentethe v, sasinjalo lemehlweni azo.

Deuteronomy 1:22-28

22Laselisondela kimi lonke lathi: Asithume amadoda phambi kwethu ukuze asihlolele ilizwe, abuyise ilizwi kithi, indlela esizakwenyuka ngayo, lemizi esizangena kuyo. 23Lendaba yayinhle emehlweni ami; ngakho ngathatha kini amadoda alitshumi lambili, indodanye ngesizwe w. 24Wona aphenduka, enyukela entabeni x aze afika esihotsheni seEshikoli, asihlola. 25Asethatha okwezithelo zelizwe esandleni sabo, azehlisela kithi; abuyisa ilizwi kithi athi: Ilizwe lihle iNkosi uNkulunkulu wethu esinika lona. 26Kanti kalifunanga ukwenyuka, kodwa lavukela umlomo weNkosi uNkulunkulu wenu y, 27langunguna emathenteni enu lathi z: Ngoba iNkosi yayisizonda, yasikhupha elizweni leGibhithe ukusinikela esandleni samaAmori ukusibhubhisa aa. 28Sizakwenyukela ngaphi? Abafowethu benze inhliziyo yethu iphele amandla ab besithi: Abantu bakhulu bade kulathi; imizi mikhulu, ibiyelwe ngemithangala efika emazulwini ac; futhi-ke sibonile khona amadodana amaAnaki ad.
Copyright information for Ndebele