Num 14:18, 2Ch 30:9, Neh 9:17, Psa 86:15, 103:8, 111:4, 112:4, 116:5, 145:8, Joe 2:13 | Ndebele | STEP | IN kosi iyaphuza ukuthukuthela, njalo inkulu emuseni, ithethelela ububi leziphambeko, kodwa engayikumyekela lokumyekela olecala , iphindisela ububi baboyise phezu kwabantwana kwesesithathu lesesine isizukulwana .

Numbers 14:18

18 INkosi iyaphuza ukuthukuthela, njalo inkulu emuseni, ithethelela ububi leziphambeko, kodwa engayikumyekela lokumyekela olecala ^a, iphindisela ububi baboyise phezu kwabantwana kwesesithathu lesesine isizukulwana ^b.

2 Chronicles 30:9

9 Ngoba ekubuyeleni kwenu eNkosini, abafowenu labantwana benu bazathola izihawu phambi kwababathumbileyo, ukuze babuye kulelilizwe ^c. Ngoba iNkosi uNkulunkulu wenu ilomusa ^d lesihawu ^e, kayiyikuphendula ubuso busuke kini uba libuyela kuyo ^f.

Nehemiah 9:17

17 Yebo, bala ukulalela, kabakhumbulanga izimangaliso zakho owazenza kubo ^g; kodwa bazenza lukhuni intamo yabo ^h, lekuvukeleni kwabo bamisa induna ukuze babuyele ebugqilini babo ⁱ. Kodwa wena unguNkulunkulu wezintethelelo, olomusa, lesihawu ^j, ophuza ukuthukuthela ^k, lowande ngothando, kawubatshiyanga ^l.

Psalms 86:15

15 Kodwa wena, Nkosi, unguNkulunkulu olozwelo, lolesisa ^m, ophuza ukuthukuthela, lomkhulu emuseni leqinisweni ⁿ.

Psalms 103:8

8 INkosi ilesihawu lomusa, iyaphuza ukuthukuthela, njalo ivame ububele ^o.

Psalms 111:4

4 Yenzile izimangaliso zayo zikhunjulwe; iNkosi ilomusa lesihawu ^p.

Psalms 112:4

4 Kuyabaphumela abaqotho ukukhanya emnyameni ^q; ilomusa lesihawu ^r lokulunga ^s.

Psalms 116:5

5 Ilomusa iNkosi ^t, ilungile ^u; ye, uNkulunkulu wethu ulesihawu ^v.

Psalms 145:8

8 Ilomusa lesihawu iNkosi, iyaphuza ukuthukuthela, inkulu ngothando ^w.

Joel 2:13

13 Lidabule inhliziyo yenu ^x, hatshi izembatho zenu ^y, liphendukele eNkosini, uNkulunkulu wenu ^z, ngoba ilesisa ^{aa
,} ^ab lesihawu ^{ac
,} ^ad, iphuza ukuthukuthela ^{ae
,} ^af, njalo inkulu ngomusa ^{ag
,} ^{ah
,} ^ai, iyazisola ngobubi ^aj.