Num 20:2-13, Psa 81:7 | Ndebele | STEP | Njalo kwakungelamanzi enhlangano ; ngakho bahlangana bamelana loMozisi bamelana loAroni .

d11:1,33, 14:37, 16:32,35,49

e Eks 17:3

f14:5, 16:4,22,45

g 14:10

h Eks 17:5

i Neh 9:15; Isa 43:20, 48:21

j 17:10

k Hlab 106:32,33

l Dute 8:15; Eks 17:6

m 27:14; Dute 1:37, 3:26, 32:51

n Hez 20:41, 36:23, 38:16

o Dute 33:8; Hlab 81:7, 95:8, 106:32

p Hlab 50:15; Eks 2:23, 14:10

q Eks 19:19

r Eks 17:6

Numbers 20:2-13

2 Njalo kwakungelamanzi enhlangano ^a; ngakho bahlangana bamelana loMozisi bamelana loAroni ^b. 3 Abantu baphikisana loMozisi bakhuluma besithi: Kungathi ngabe safa ^c ekufeni kwabafowethu phambi kweNkosi ^d! 4 Liletheleni ibandla leNkosi enkangala le ukuze sifele lapha, thina lezifuyo zethu? ^e 5 Lasenyuselani sisuka eGibhithe ukusiletha kulindawo embi? Kakusiyo indawo yenhlanyelo lemikhiwa lamavini lamapomegranati*, futhi kakulamanzi okunatha. 6 UMozisi loAroni basebesuka phambi kwebandla, baya emnyango wethente lenhlangano, bathi mbo ngobuso babo phansi ^f. Inkazimulo yeNkosi yasibonakala kubo ^g.

7 INkosi yasikhuluma kuMozisi isithi: 8 Thatha intonga, ubuthanise inhlangano, wena loAroni umnewenu, likhulume kulo idwala phambi kwamehlo abo, njalo lizanika amanzi alo ^h; ngalokhu uzabakhuphela amanzi edwaleni, ukuze ulinathise ibandla lezifuyo zabo ⁱ. 9 UMozisi wasethatha intonga esuka phambi kweNkosi njengokumlaya kwayo ^j. 10 UMozisi loAroni basebebuthanisa ibandla phambi kwedwala; wasesithi kubo: Zwanini-ke, lina bahlamuki; sizalikhuphela yini amanzi edwaleni leli? ^k 11 UMozisi wasephakamisa isandla sakhe, watshaya idwala kabili ngentonga yakhe; kwasekumpompoza amanzi amanengi, inhlangano yasinatha, lezifuyo zayo ^l.

12 INkosi yasisithi kuMozisi lakuAroni: Ngoba lingangikholwanga ^m, ukungingcwelisa emehlweni abantwana bakoIsrayeli, ngakho kaliyikungenisa ibandla leli elizweni engibanike lona ⁿ. 13 La ngamanzi eMeriba, lapho abantwana bakoIsrayeli abaphikisana khona leNkosi, yasingcweliswa kubo ^o.

Psalms 81:7

7 Wakhala usenhluphekweni, ngakukhulula ^p; ngakuphendula ekusithekeni komdumo ^q; ngakuhlola emanzini eMeriba. Sela* ^r.