aDute 2:26,27; Hlu 11:19
b20:17
cDute 29:7
dDute 2:32; Hlu 11:20
eDute 2:33; Josh 12:1,2, 24:8; Neh 9:22; Hlab 135:11, 136:19; Amos 2:9
fGen 32:22
gJobe 27:1, 29:1; Hlab 49:4, 78:2; Isa 14:4; Mika 2:4, 23:7
hJer 48:45,46
iJer 48:45,46
jHlu 11:24; 1 Kho 11:7,33; 2 Kho 23:13; Jer 48:7,13
k32:3,34, 33:45,46; Josh 13:17; Neh 11:25; Isa 15:2; Jer 48:18,22
lIsa 15:2
m32:1,3; Josh 13:25; 2 Sam 24:5; Jer 48:32
n21:25
oDute 1:4, 3:1; Josh 13:12
pDute 3:2
q21:24; Dute 29:7; Hlab 135:11, 136:20
rJosh 10:28

‏ Numbers 21:21-35

Abantwana bakoIsrayeli banqoba uSihoni loOgi

21UIsrayeli wasethuma izithunywa kuSihoni inkosi yamaAmori, esithi a: 22Ake ngidabule elizweni lakho; kasiyikuphambukela emasimini loba ezivinini; kasiyikunatha amanzi omthombo; sizahamba ngomgwaqo wenkosi, size sedlule imingcele yakho b. 23Kodwa uSihoni kamvumelanga uIsrayeli ukudabula umngcele wakhe, kodwa uSihoni wabuthanisa bonke abantu bakhe, waphuma ukumelana loIsrayeli enkangala c, wafika eJahazi, walwa emelene loIsrayeli d. 24UIsrayeli wamtshaya ngobukhali benkemba, waba ngumnikazi welizwe lakhe kusukela eArinoni kuze kube seJaboki, kuze kube sebantwaneni bakoAmoni e, ngoba umngcele wabantwana bakoAmoni wawuqinile f. 25UIsrayeli wasethatha yonke le imizi; uIsrayeli wasehlala emizini yonke yamaAmori, eHeshiboni layo yonke imizana yalo. 26Ngoba iHeshiboni yayingumuzi kaSihoni inkosi yamaAmori, owayelwe emelene lenkosi yamandulo yakoMowabi, wayethethe ilizwe lonke layo esandleni sayo, kwaze kwafika eArinoni. 27Ngakho abasebenzisa izaga bathi: Wozani eHeshiboni! Umuzi kaSihoni kawakhiwe, umiswe g. 28Ngoba umlilo waphuma eHeshiboni, ilangabi emzini kaSihoni, laqothula iAri loMowabi, amakhosi endawo eziphakemeyo zeArinoni h. 29Maye kuwe, Mowabi i! Selibhujisiwe, bantu bakaKemoshi j! Unikele amadodana akhe aba ngababaleki, lamadodakazi akhe ekuthunjweni kuSihoni, inkosi yamaAmori. 30Sesibatshokile; iHeshiboni ibhubhile kuze kube seDiboni k; sesibachithile kuze kube seNofa, efika eMedeba l.

31UIsrayeli wasehlala elizweni lamaAmori. 32UMozisi wathuma ukuyahlola iJazeri m; basebethumba imizana yalo, baxotsha amaAmori ayehlala khona n.

33Basebephenduka, benyuka ngendlela yeBashani. UOgi inkosi yeBashani wasephuma ukumelana labo, yena labantu bakhe bonke, empini eEdreyi o. 34INkosi yasisithi kuMozisi: Ungamesabi; ngoba ngimnikele esandleni sakho, labantu bakhe bonke, lelizwe lakhe p; njalo uzakwenza kuye njengokwenza kwakho kuSihoni inkosi yamaAmori owayehlala eHeshiboni q. 35Basebemtshaya, lamadodana akhe, labantu bakhe bonke, akwaze kwasala ophilayo kuye. Badla ilifa lelizwe lakhe r.

Copyright information for Ndebele