Psa 105:1-15 | Ndebele | STEP | Bongani iN kosi , libize ibizo layo , lazise phakathi kwezizwe izenzo zayo .

Psalms 105:1-15

1 Bongani iNkosi, libize ibizo layo ^{a
,} ^b, lazise phakathi kwezizwe izenzo zayo ^c. 2 Hlabelelani kuyo, lihlabelele amahubo kuyo, likhulume ngezenzo zayo zonke ezimangalisayo. 3 Zincomeni ebizweni layo elingcwele; kayithokoze inhliziyo yabadinga iNkosi. 4 Dingani iNkosi lamandla ayo, lidinge ubuso bayo njalonjalo ^d. 5 Khumbulani izenzo zayo ezimangalisayo eyazenzayo, izimangaliso zayo lezahlulelo zomlomo wayo ^e, 6 nzalo kaAbrahama inceku yayo ^f, bantwana bakaJakobe abakhethiweyo bayo ^g.

7 Yona iyiNkosi uNkulunkulu wethu; izahlulelo zayo zisemhlabeni wonke. 8 Iyakhumbula isivumelwano sayo kuze kube nininini ^h, ilizwi eyalilaya kuzizukulwana eziyinkulungwane ⁱ, 9 eyasenza loAbrahama, lesifungo sayo kuIsaka ^j; 10 eyasiqinisa kuJakobe saba yisimiso, kuIsrayeli saba yisivumelwano esilaphakade, 11 isithi: Ngizakunika wena ilizwe leKhanani, isabelo selifa lakho ^k.

12 Besebalutshwana ngenani ^l, yebo, bebalutshwana, labemzini kulo ^m; 13 basebezula besuka esizweni besiya esizweni, besuka komunye umbuso besiya kwabanye abantu; 14 kayivumelanga muntu ukubahlupha; yasikhuza amakhosi ngenxa yabo, 15 isithi: Lingathinti abagcotshiweyo bami ⁿ, lingoni abaprofethi bami ^o.