Rut 4:7-10, Jer 32:10-11 | Ndebele | STEP | Lokhu-ke kwakukhona mandulo koIsrayeli mayelana lokuhlenga lokuntshintsha , ukuqinisa lonke udaba: umuntu akhiphe inyathela lakhe, alinike umakhelwane wakhe; lokhu-ke kwakuyibufakazi koIsrayeli.

Ruth 4:7-10

7 Lokhu-ke kwakukhona mandulo koIsrayeli mayelana lokuhlenga ^a lokuntshintsha ^b, ukuqinisa lonke udaba: umuntu akhiphe inyathela lakhe, alinike umakhelwane wakhe; lokhu-ke kwakuyibufakazi koIsrayeli. 8 Ngakho isihlobo esingumhlengi sathi kuBhowazi: Zithengele yona; sasesikhipha inyathela laso.

9 UBhowazi wasesithi kubadala lakubo bonke abantu: Lingabafakazi lamuhla bokuthi ngithengile konke okwakungokukaElimeleki lakho konke okwakungokukaKiliyoni lokukaMaheloni ^c esandleni sikaNawomi. 10 LoRuthe laye umMowabikazi, umkaMaheloni ^d, ngizithengele ukuze abe ngumkami, ukuze ngimise ibizo likamuyi elifeni lakhe ^e, ukuze ibizo lomuyi lingaqunywa lisuke phakathi kwabafowabo lesangweni lendawo yakhe. Lingabafakazi lamuhla.

Jeremiah 32:10-11

10 Ngasengibhala incwadi, ngayiphawula, ^f ngenza abafakazi bafakaze, ^g ngalinganisa imali ngesikali. ^h 11 Ngasengithatha incwadi yokuthenga enanyekiweyo njengokomthetho ⁱ lezimiso, ^j levulekileyo, ^k