‏ Job 31

1 ^a“Nimefanya agano na macho yangu
yasimtazame msichana kwa kumtamani.
2 ^bKwa kuwa fungu la mwanadamu ni gani kutoka kwa Mungu juu,
urithi wake kutoka kwa Mungu Mwenye Nguvu Aliye juu?
3 ^cJe, si uharibifu kwa watu waovu,
maangamizi kwa wale watendao mabaya?
4 ^dJe, yeye hazioni njia zangu
na kuihesabu kila hatua yangu?

5 ^e“Kama nimeishi katika uongo
au mguu wangu umekimbilia udanganyifu,
6 ^fMungu na anipime katika mizani za uaminifu,
naye atajua kwamba sina hatia:
7 ^gkama hatua zangu zimepotoka kutoka kwenye njia,
kama moyo wangu umeongozwa na macho yangu,
au kama mikono yangu imetiwa unajisi,
8 ^hbasi wengine na wale nilichokipanda,
nayo yale yote niliyootesha na yangʼolewe.

9 ⁱ“Kama moyo wangu umeshawishiwa na mwanamke,
au kama nimevizia mlangoni mwa jirani yangu,
10 ^jbasi mke wangu na asage nafaka ya mwanaume mwingine,
nao wanaume wengine walale naye.
11 ^kKwa kuwa hilo lingekuwa aibu,
naam, dhambi ya kuhukumiwa.
12 ^lNi moto uwakao kwa Uharibifu; ▼

▼Kwa Kiebrania ni Abadon (Ay 26:6; Mit 15:11).

ungekuwa umengʼoa mavuno yangu.

13 ⁿ“Kama ningewanyima haki watumishi wangu wanaume au vijakazi wangu,
walipokuwa na manungʼuniko dhidi yangu,
14 ^onitafanya nini Mungu atakaponikabili?
Nitamjibu nini nitakapoitwa kutoa hesabu?
15 ^pJe, yeye aliyeniumba tumboni mwa mama yangu,
si ndiye aliwaumba?
Je, si ni yeye huyo mmoja aliyetuumba sote
ndani ya mama zetu?

16 ^q“Ikiwa nimewanyima maskini haja zao,
au kuyaacha macho ya wajane yadhoofike,
17 ^rkama nimekula chakula changu mwenyewe,
bila kuwashirikisha yatima;
18 ^slakini tangu ujana wangu nimemlea yatima kama ambavyo baba angefanya,
nami tangu kuzaliwa kwangu nimewaongoza wajane:
19 ^tkama nilimwona yeyote akiteseka kwa kukosa nguo,
au mtu mhitaji asiye na mavazi
20 ^uambaye wala moyo wake haukunibariki
kwa kumpatia joto kwa mavazi ya manyoya ya kondoo zangu,
21 ^vna kama nimeinua mkono wangu dhidi ya yatima,
nikijua kuwa nina ushawishi mahakamani,
22 ^wbasi mkono wangu na unyofoke toka begani mwangu,
nao na uvunjike kutoka kiungio chake.
23 ^xKwa kuwa niliogopa uharibifu kutoka kwa Mungu,
nami kwa kuuogopa utukufu wake sikuweza kufanya mambo kama hayo.

24 ^y“Kama nimeweka tumaini langu kwenye dhahabu,
au kuiambia dhahabu safi, ‘Wewe ndiwe salama yangu,’
25 ^zkama nimefurahia wingi wa utajiri wangu,
ustawi ambao mikono yangu ilikuwa imepata,
26 ^aakama nimelitazama jua katika kungʼaa kwake
au mwezi ukienda kwa fahari yake,
27 ^abhivyo moyo wangu kushawishiwa kwa siri,
au kubusu mkono wangu kwa kuviheshimu,
28 ^acbasi hiyo pia ingekuwa dhambi ya kuhukumiwa,
kwa kuwa ningekuwa si mwaminifu kwa Mungu aishiye juu sana.

29 ^ad“Kama nimeshangilia msiba wa adui yangu,
au kutazama kwa furaha taabu iliyomjia,
30lakini sikuruhusu kinywa changu kufanya dhambi
kwa kuomba laana dhidi ya maisha yake;
31kama watu wa nyumbani mwangu kamwe hawakusema,
‘Ni nani ambaye hajashibishwa na nyama ya Ayubu?’
32 ^aeLakini hakuna mgeni aliyelala njiani,
kwa maana mlango wangu ulikuwa wazi kwa msafiri;
33 ^afkama nimeifunika dhambi yangu kama wanadamu wengine wafanyavyo,
kwa kuficha hatia yangu moyoni mwangu,
34 ^agkwa sababu ya kuogopa umati wa watu,
na hivyo kuwa na hofu ya kudharauliwa na jamaa,
nikanyamaza kimya nisitoke nje ya mlango:

35(“Laiti kama angekuwepo mtu wa kunisikia!
Tazama sasa ninatia sahihi kwenye utetezi wangu:
Mwenyezi na anijibu;
mshtaki wangu na aweke mashtaka yake kwenye maandishi.
36Hakika ningeyavaa begani mwangu,
ningeyavaa kama taji.
37 ^ahNingempa hesabu ya kila hatua yangu,
ningemwendea kama mwana wa mfalme.)

38 ^ai“Kama nchi yangu inalia dhidi yangu,
na mifereji yake yote imelowana kwa machozi,
39 ^ajkama nimekula mazao yake bila malipo,
au kuvunja mioyo ya wapangaji wake,
40 ^akbasi miiba na iote badala ya ngano,
na magugu badala ya shayiri.”
Mwisho wa maneno ya Ayubu.