Psa 88 | SwhNEN | STEP | Wimbo. Zaburi ya wana wa Kora. Kwa mwimbishaji. Mtindo wa mahalathi leanothi. Utenzi wa Hemani Mwezrahi. Ee Bwana , Mungu uniokoaye, nimelia mbele zako usiku na mchana.

‏ Psalms 88

Kilio Kwa Ajili Ya Kuomba Msaada

Wimbo. Zaburi ya wana wa Kora. Kwa mwimbishaji. Mtindo wa mahalathi leanothi. Utenzi wa Hemani Mwezrahi.

1 ^aEe Bwana, Mungu uniokoaye,
nimelia mbele zako usiku na mchana.
2 Maombi yangu yafike mbele zako,
utegee kilio changu sikio lako.

3 ^bKwa maana nafsi yangu imejaa taabu,
na maisha yangu yanakaribia kaburi. ^{▼▼Kaburi hapa maana yake ni Kuzimu, kwa Kiebrania ni Sheol.}
4 ^dNimehesabiwa miongoni mwa wale waendao shimoni,
niko kama mtu asiye na nguvu.
5 ^eNimetengwa pamoja na wafu,
kama waliochinjwa walalao kaburini,
ambao huwakumbuki tena,
ambao wamekatiliwa mbali na uangalizi wako.

6 ^fUmenitupa katika shimo lenye kina kirefu sana,
katika vina vya giza nene.
7 ^gGhadhabu yako imekuwa nzito juu yangu,
umenigharikisha kwa mawimbi yako yote.

8 ^hUmenitenga na rafiki zangu wa karibu
na kunifanya chukizo kwao.
Nimezuiliwa, wala siwezi kutoroka;
9 ⁱnuru ya macho yangu
imefifia kwa ajili ya huzuni.

Ee Bwana, ninakuita kila siku,
ninakunyooshea wewe mikono yangu.
10 ^jJe, wewe huwaonyesha wafu maajabu yako?
Je, wale waliokufa huinuka na kukusifu?

11 ^kJe, upendo wako hutangazwa kaburini,
uaminifu wako katika Uharibifu? ^{▼▼Yaani Abadon.}
12 ^mJe, maajabu yako hujulikana mahali pa giza,
au matendo yako ya haki katika nchi ya usahaulifu?

13 ⁿLakini ninakulilia wewe, Ee Bwana, unisaidie;
asubuhi maombi yangu huja mbele zako.
14 ^oEe Bwana, kwa nini unanikataa
na kunificha uso wako?

15 ^pTangu ujana wangu nimeteseka, nikakaribia kifo;
nimepatwa na hofu zako, nami nimekata tamaa.
16 ^qGhadhabu yako imepita juu yangu;
hofu zako zimeniangamiza.
17 ^rMchana kutwa zinanizunguka kama mafuriko;
zimenimeza kabisa.
18 ^sUmeniondolea marafiki na wapendwa wangu;
giza limekuwa ndilo rafiki yangu wa karibu kuliko wote.