Psa 41 | OHB | STEP | לַמְנַצֵּ֗חַ מִזְמ֥וֹר לְדָוִֽד׃

‎ Psalms 41

1 לַמְנַצֵּחַ מִזְמוֹר לְדָוִֽד׃ 2 ^{▼▼KJV:Ps.41.1} אַשְׁרֵי מַשְׂכִּיל אֶל־דָּל בְּיוֹם רָעָה יְֽמַלְּטֵהוּ יְהוָֽה׃ 3 ^{▼▼KJV:Ps.41.2} יְהוָה ׀ יִשְׁמְרֵהוּ וִֽיחַיֵּהוּ יאשר ^{▼▼ יאשרוְאֻשַּׁר
(Qere)} בָּאָרֶץ וְאַֽל־תִּתְּנֵהוּ בְּנֶפֶשׁ אֹיְבָֽיו׃ 4 ^{▼▼KJV:Ps.41.3} יְֽהוָה יִסְעָדֶנּוּ עַל־עֶרֶשׂ דְּוָי כָּל־מִשְׁכָּבוֹ הָפַכְתָּ בְחָלְיֽוֹ׃ 5 ^{▼▼KJV:Ps.41.4} אֲֽנִי־אָמַרְתִּי יְהוָה חָנֵּנִי רְפָאָה נַפְשִׁי כִּי־חָטָאתִי לָֽךְ׃ 6 ^{▼▼KJV:Ps.41.5} אוֹיְבַי יֹאמְרוּ רַע לִי מָתַי יָמוּת וְאָבַד שְׁמֽוֹ׃ 7 ^{▼▼KJV:Ps.41.6} וְאִם־בָּא לִרְאוֹת ׀ שָׁוְא יְדַבֵּר לִבּוֹ יִקְבָּץ־אָוֶן לוֹ יֵצֵא לַחוּץ יְדַבֵּֽר׃ 8 ^{▼▼KJV:Ps.41.7} יַחַד עָלַי יִתְלַחֲשׁוּ כָּל־שֹׂנְאָי עָלַי ׀ יַחְשְׁבוּ רָעָה לִֽי׃ 9 ^{▼▼KJV:Ps.41.8} דְּֽבַר־בְּלִיַּעַל יָצוּק בּוֹ וַאֲשֶׁר שָׁכַב לֹא־יוֹסִיף לָקֽוּם׃ 10 ^{▼▼KJV:Ps.41.9} גַּם־אִישׁ שְׁלוֹמִי ׀ אֲשֶׁר־בָּטַחְתִּי בוֹ ^{▼▼We read one or more accents in L differently than BHS. Often this notation indicates a typographical error in BHS.} אוֹכֵל לַחְמִי הִגְדִּיל עָלַי עָקֵֽב׃ 11 ^{▼▼KJV:Ps.41.10} וְאַתָּה יְהוָה חָנֵּנִי וַהֲקִימֵנִי וַֽאֲשַׁלְּמָה לָהֶֽם׃ 12 ^{▼▼KJV:Ps.41.11} בְּזֹאת יָדַעְתִּי כִּֽי־חָפַצְתָּ בִּי כִּי לֹֽא־יָרִיעַ אֹיְבִי עָלָֽי׃ 13 ^{▼▼KJV:Ps.41.12} וַאֲנִי בְּתֻמִּי תָּמַכְתָּ בִּי וַתַּצִּיבֵנִי לְפָנֶיךָ לְעוֹלָֽם׃ 14 ^{▼▼KJV:Ps.41.13} בָּרוּךְ יְהוָה ׀ אֱלֹהֵי יִשְׂרָאֵל מֵֽהָעוֹלָם וְעַד הָעוֹלָם אָמֵן ׀ וְאָמֵֽן׃