Psa 126 | OHB | STEP | שִׁ֗יר הַֽמַּ֫עֲל֥וֹת בְּשׁ֣וּב יְ֭הוָה אֶת־ שִׁיבַ֣ת צִיּ֑וֹן הָ֝יִ֗ינוּ כְּחֹלְמִֽים׃

Psalms 126

1 שִׁיר הַֽמַּעֲלוֹת ^{▼▼KJV:Ps.126.1} בְּשׁוּב יְהוָה אֶת־שִׁיבַת צִיּוֹן הָיִינוּ כְּחֹלְמִֽים׃ 2 אָז יִמָּלֵא שְׂחוֹק פִּינוּ וּלְשׁוֹנֵנוּ רִנָּה אָז יֹאמְרוּ בַגּוֹיִם הִגְדִּיל יְהוָה לַעֲשׂוֹת עִם־אֵֽלֶּה׃ 3 הִגְדִּיל יְהוָה לַעֲשׂוֹת עִמָּנוּ הָיִינוּ שְׂמֵחִֽים׃ 4 שׁוּבָה יְהוָה אֶת־שבותנו ^{▼▼ שבות/נושְׁבִיתֵנוּ
(Qere)} כַּאֲפִיקִים בַּנֶּֽגֶב׃ 5 הַזֹּרְעִים בְּדִמְעָה בְּרִנָּה יִקְצֹֽרוּ׃ 6 הָלוֹךְ יֵלֵךְ ׀ וּבָכֹה נֹשֵׂא מֶֽשֶׁךְ־הַזָּרַע בֹּֽא־יָבוֹא ^{▼▼We read one or more accents in L differently than BHS. Often this notation indicates a typographical error in BHS.} בְרִנָּה נֹשֵׂא אֲלֻמֹּתָֽיו׃