Deu 26 | PMA | STEP | “Navong mikur atan koa Iahova, Ahi onami, mul sani min kami ka mimumon teim onami mul ien,

‏ Deuteronomy 26

Sakien ten Avasan Moei Anien min Ahi

Duteronomi 26:1-3,9-11; 31:7-8

1 “Navong mikur atan koa Iahova, Ahi onami, mul sani min kami ka mimumon teim onami mul ien, 2 hetetai en kami heling tei moei anien en tounah vasi koa imoul en ah ese keil, ka mihelingi en atuvoi ka mihekuri miheha en out koa Iahova, Ahi onami, hetie lati keke kei heto ien. 3 Miheha ven pris koa lei kat out en avong enek, ka mihehiteni mini mihehit, 'Inau mahitehiteni en meten Iahova, Ahi onak, keke narokol atan tuai koa kei vat kati hesani min avu orer keil telamu.

9 Kei mulamun ir romai ekok ka san atan ekek minir, atan koa tahos imok ka amas mul ien. 10 Kosa nalahi mai ven Iahova moei anien koa kei sani minir.' Evus, miheling atuvoi ten anien netan en meten Iahova ka miheha netan mini. 11 Mihemasmas Iahova, Ahi onami, ven mormore tounah koa kei sani min kami ral min koakeil en teim sami. Ka koakeil en vatiamal onen Livae ka koakeil emun ten kantri sav koa aro ral min kami, mihemaen keil iapil hetal min kami en mari ale enek.”