EN IOANEJ A KIJIN LIKAU KAJILU.
3 John
1IET nai me laud o ranamau won Kaiuj kompok, me i kin pokopoke melel. 2Kompoke pa i, i kin men, koe en pwaida o rojon ni wiawia karoj duen nen om me pwaida. 3Pwe i peren kida kaualap, ri atail oko lao pwarado, katitiki on ia duen om melel o duen om kin alialu wei ta ni melel. 4Jota ai peren me lapa jan met, ni ai ron duen nai jeri kan, me kin alu wei ta ni melel. 5Kompoke pa i, me mau, me koe kin wiai on ri atail o pil men kairu kan, 6Me katitiki on momodijou duen om limpok; me mau, ma koe pan jauaja irail, duen me kon on Kot. 7Pweki mar a re kin koko wei ta, jota tunole meakot ren men liki kan. 8I me kitail en jauaja jon due met, pwe kitail en wia jauaj pan melel. 9Meakot i intinki woner momodijou, a Diotrepej me akajaumaj on irail, jota duki on kit. 10Ari, i lao pwara wei, i pan katamanki i a wiawia kan, me a kin wiada, pwe a kin lokaia jued duen kit. A kaidin i eta, pwe pein i jota kin kajamo ri atail ko, ap pil inapwiedi, me kin men apwali ir, o kajapok ir ala jan nan momodijou. 11Kompoke pa i, der idauen me jued a me mau. Me kin wia me mau, me jan ren Kot, a me kin wia me jued, jota kilaner Kot. 12Demetriuj indand ren amen amen o pil ni melel. O kit pil kadededa, a koe aja, me at kadede me melel. 13Kajoi toto me mi re i, me i kak intin won uk, a i jota men intinki ink o men intin. 14A i kaporoporeki, me koren, me i pan kilan uk, kita ap pan kajokajoi pena. 15Popol en mi re om. Kompok kan kin ranamau won uk. Ranamauieki kompok kan mar arail.
Copyright information for
PON