Act 22 | PON | STEP | RI ai ko, jam ai ko komail, ro n maj ai jape n komail.

‏ Acts 22

1 RI ai ko, jam ai ko komail, ron maj ai japen komail. 2 Irail lao roner, me a majani on irail ni lokaia en Ipru, re ap nenenla kaualap. I ari kotin majani. 3 Ol en Juj amennai, me tikidar Tarjuj en Jilijia, a i kakairida nan kanim wet ni aluwilu en Kamaliel, padapadakki kapun en jam atail akan, o nantion poniponi Kot dueta komail kin wia ran wet. 4 O i kawelar al pot et lel on kamelar aramaj, ni ai jaliedi o panalan imaten ol o li akan. 5 Pwe iduen me jamero lapalap o jaumaj akan kin kadede kin ia, pwe i aleer jan irail kijin likau, on ri (atail) akan. I ap kolan Damajkuj, pwen pil jaliedi o wa don Ierujalem, me mi waja o, pwe ren kamekame. 6 A ni ai koko wei korendor Damajkuj, nin jauaj, marain eu kodido jan nanlan, jare ia da. 7 Ngai ari pupedi nani pwel o ronadanil eu, me majani on ia: Jaul, Jaul, da me koe kame kin ia? 8 Ngai ari potoan on: Ij komui Main? A kotin majani on ia: Ngai Iejuj en Najaret, me koe kin kame. 9 A me ian ia udialer marain o, ap majapwekadar, a re jota ron kapit en me majan don ia. 10 Ngai potoan on: Da me i en wiada Main? Kaun o ap kotin majani on ia: Paurida u kowei on Damajkuj, nan a pan kapare on uk waja o, me kaonop on uk er, en wiada. 11 A i jolar kak kilan waja, aki linan en marain o, i ap daululan Damajkuj; me ian ia kalua kin ia pa i. 12 Ananiaj, ol lelapok amen duen kapun o, me kalok mau jili ren Juj akan karoj, me kaujon waja o, 13 Ap ko don ia kajikajinen imp ai indai on ia: Ri ai Jauluj, kilanada waja! Ari, ni auer ota i jaradan i. 14 I ari katitiki: Kot en jam atail akan, me pil uk adar, pwe koe en lolekonki a kupur, o udial me Pun o, o ron kapit en jilan i. 15 Pwe koe pan japwilim a jaunkadede on aramaj karoj, duen me koe kilanadar o ronadar. 16 Ari, da me koe auiaui? Paurida o paptaijela, pwe dip om akan en widen jan, o jakarkidan mar a. 17 A kadekadeo i lao pwara don Ierujalem o kapakap nan im en kaudok o, i ap wukilar. 18 O i kilan i, me kotin majani on ia: Kananata, madana wei jan Ierujalem, pwe irail jota pan duki on om kadede kin ia. 19 Ngai ari potoan on: Main, pein irail aja, me i panalan nan imaten o woki nan jinakoke kan me kin pojon komui. 20 A ni japwilim ar jaunkadede Jtepanuj kamatalar,nai pil u impa o peren kidar a kamatalar, nekinekid likau en me kamatalar i ko. 21 A ap kotin majani on ia: U ko wei, pwe I pan kadar uk ala waja doo ren men liki kan. 22 Irail roneron i lel on majan pot et, apnil laudeda indada: Jiken wei jan jappa lap men et! Pwe a jota mau on, i en memaureta! 23 A ni arail weriwerada, o kajelar ar likau, o kajadar pwel par, 24 Kaun lapalap o ap majani, i en wijikelan nan im en jaunpei o majani, ren woki i, pwe i en lelapok kila, da me re weiweilokeki i. 25 Irail lao jaliedi i, Pauluj ap idok ren kaun o, me u impa: Me pun, en woki aramaj en Rom amen, me kaikenta pakadeikadar? 26 Kaun o lao ronada met, ap kola ren kaun lapalap o indada: Da me kom pan wiada, pwe aramaj men et men Rom amen. 27 Kaun lapalap o ap kodo indai on i: Katitiki on ia, ol en Rom amen komui? A japen: Ei. 28 Kaun lapalap o japen: Pwai laud me i jaladok kilar. A Pauluj majani: Anai me tikidar jaladok. 29 Me kodo kadeikada i, ap madan pure jan i, o kaun lapalap lao ajadar, me i ol en Rom amen, a pil majakadar, pweki a jaliedi i. 30 A mandan ran o a inon ion melel aja karep en Juj oko ar panala i, ap lapwada i o kapokon pena jamero lapalap o toun kapun o, ap wadila Pauluj o kotikidi on i mo ’rail.