Act 23 | PON | STEP | A PAULUJ kotin aupwil jili nan kapu n o ap majani: Ri ai ko, i dadaurata me mau o n Kot lao lel ran wet.

‏ Acts 23

1 A PAULUJ kotin aupwil jili nan kapun o ap majani: Ri ai ko, i dadaurata me mau on Kot lao lel ran wet. 2 A jamero lapalap Ananiaj majani on men impa, ren pikir au a. 3 Pauluj ap majani on i: Kot pan kotin pikir uk malaun men koe, pwe koe momod waja en, en kadeik ia da duen kapun o, ap tiakedi kapun o ni om indada, ren pikir ia. 4 A men impa indada: Koe pan lalaue japwilim en Kot a jamero lapalap? 5 Pauluj ap majanier: Ri ai ko, i jaja, me i jamero lapalap o, pwe a intinidier: Koe der nan au jued duen omail kaun lapalap o! 6 A Pauluj lao diaradar, me akai irail Jadujär, a akai Parijär, ap kapitie laud nan kapun o majani: Ri ai ko,nai Parijär amen o nain Parijär amen, ai kaporopor en me melar akan ar pan maureda, i me i pan pakadeikada. 7 A lao majanier met, Parijär o Jadujär akan ap akamai pena; ari momod o muei pajan. 8 Pwe Jadujär kin inda, me dene jota me pan maureda, o pil dene jota tounlan, pil jonen, a Parijär kin kamelele karoj. 9 A weriwer laud wiauier. A jaunkawewe kan, me kijan Parijär kajinenda kaparok katitiki: Jota me jued kot en aramaj men et, me je diar. A manen eu de tounlan amen majani on i, kitail der palian Kot! 10 A lao moromoron kaualap, kaun lapalap o ap majak, me Pauluj pan dapenok pajan, ap majani, me jaunpei kai en kodilan koledi i, wado jan nan pun ar o wa don nan im en jaunpei. 11 A pon pena jan ran o kaun o kotikot re a majani: Kaporopor mau, pwe duen om kadede ia nan Ierujalem, iduen koe pil pan kadede ia nan Rom. 12 A lao ran pajan, Juj akai ap inauki pena o kaukila, me re pan jolar kan o nim meakot, re lao kamelar Pauluj. 13 A irail, me wiadar inau wet, me paek jama. 14 Irail kodo ren jamero lapalap o jaumaj akan katitiki: Je inauki pena o kaukila, me je jolar pan kan o nim meakot, je lao kamelar Pauluj. 15 Komail o toun kapun ari poeki ren kaun lapalap o, a en kadara don komail i. Dene komail pan raparapaki melel re a, a kit pan majamajan kamela i, mon a pan pwara don komail. 16 A wawan Pauluj jeri amen lao roner ar ruki i, ap pedelon on im en jaunpei kai kaireki Pauluj. 17 Pauluj ap ekeredo kaun amen, majani on i: Kare won manakap men et ren kaun lapalap o, pwe meakot mia, me a men kaireki i. 18 I ari ukada i kare won i ren kaun lapalap o indada: Pauluj me jalidi, eker ia don i o poeki re i, i en wa don komui manakap men et, pwe meakot mia, me a men kaire kin komui. 19 Kaun lapalap ap koledi pa a o koieila waja rir kalelapok: Da me koe men kaire kin ia? 20 I ari katitiki: Juj akai inauki pena, en poeki re omui, en kadara don kapun Pauluj lakap, dene komui men pur on raparapaki mau due. 21 A komui der duki on irail, pwe ol paek jama, me rukiruki i, me inauki pena o kaukilar, me re jolar pan kan o nim re lao kamela i. A irail auiaui anjau wet, me komui en mueid on irail i. 22 Kaun lapalap o ap kadarala manakap o majani on i: Der indan meamen, me koe kaire kin ia met! 23 A lao ekeredor kaun riamen, ap majani: Kaonopada jaunpei riepuki, pwen kola Jäjarea, o pil me dake oj ijiakan, o me wa katieu riepuki jan ni klok duau en ponpon wet. 24 O pil kaonopada man akai, me re en kida poa Pauluj, o ren kanakanai on walan i ren kopina Pelikj. 25 A pil intiniedier kijin likau duen met: 26 Ngai Klaudiuj Lijiaj kadar won komui main kopina Pelikj ai ranamau. 27 Ol men et, me Juj oko jaikidier, o metar kij a pan kamela re ’rail. Anai ukada jaunpei kei dorela i ni ai ronada, me i men Rom amen. 28 A ni ai men kalelapok, da me re weiweilokedi i, i ap wadila ren ar kapun o. 29 Ngai ari diaradar, me a panpanala pweki peidok en ar kapun. A jota me i diar, me a pun kak kame kila de jalikidi. 30 I lao ajadar, me Juj oko rukiruki ol o, i ap madan kadar won komui i, o i kakaliki on me panala i kai, en kaireki won komui duen i. Ran kajelel! 31 Jaunpei ko ap ukada Pauluj kalua i Antipatrij ni pon o duen a kawad kin irail. 32 Mandan ran o re ki on me dake oj akan, ren wala i, ap purelan im en jaunpei. 33 Mepukat lao lel on Jäjarea, ap ki on kijin likau ren kopina, o pil kajale on i Pauluj. 34 A lao wadoker o idok, menia i, o manier, me a kijan men Jilijia, ap majani: 35 I pan ron uk, lao me pan uk ala pil pwarador. I ari majani, i en nekinek nan tanpaj en Erodej.