‏ John 11

1OL amen jomaudar ad a Lajaruj, men Petanien, kanim en Maria o ri a li Marta. 2Iei Maria, me keieki potik Kaun o, o limwieki a pwilipeipei aluwilu a, me ri a ol Lajaruj jomaudar. 3Ri a li ko ari kadar won i kaireki won i: Main, kotin mani, me re pok on me jomaudar. 4Iejuj lao mani, ap kotin majani: Kaidik jomau en mela eu met, a pweki linan en Kot, pwe Nain Kot en kalinana kila. 5Iejuj kotin kupura Marta, o ri a li, o Lajaruj. 6A lao kotin manier, me a jomaudar, i ari kotikoteta waja o pon ria pon. 7Ap kotin majani on japwilim a tounpadak kan: Kitail pan purelan Iudäa. 8Japwilim a tounpadak kan potoan on i: Rapi, Juj oko apton men kajuk ir, a re pan kotin purelan ia? 9Iejuj kotin majani: Jo auer eijokriau ni ran eu? Meamen alialu ni ran, jota pan dipikelekel, aki aninar marain en jappa. 10A meamen alialu ni pon, a pan dipikelekel, aki marain jota mi re a. 11A kotin kajoiada mepukat, ap majani on irail: Kompoke patail Lajaruj mairelar, a I kokolan kapirida i. 12A japwilim a tounpadak kan indan i: Main, ma a mairelar, a pan maureda. 13Ari, Iejuj kotin majanieda duen a melar, a irail kiki on, me a majanieda duen a mair en kamol. 14Iejuj ap janjal majani on irail: Lajaruj melar, 15A I peren kida, me I jota mi waja o pweki komail, pwe komail en pojonla. Ari, kitail en koko wei re a! 16Tomaj, me pil ad a Didimuj, ap indai on warok tei kan: Kitail en pil kokola, pwen ian i mela. 17Iejuj lao kotido, ap kotin diarada, me a mi nan joujou pon pa pon. 18Petanien me koren ion Ierujalem impan mail riau. 19A Juj oko me toto ko don Marta o Maria, pwen kamait ira la pweki ri ara ol o. 20Marta lao ronadar, me Iejuj kotido, ap koieila tu on i. A Maria momod nan im o. 21Marta ap potoan on Iejuj: Main, ma re kotikot met, ri ai ol jota pan mela. 22Ari jo, i aja meakot re pan kotin poeki ren Kot, Kot pan kotiki on ir. 23Iejuj kotin majani on i: Ri om ol pan maureda. 24Marta potoan on i: I aja, me a pan maureda ni iaj en ni ran nik o. 25Iejuj kotin majani on i: Ngai kamaur o maur, me pojon ia, pan memaureta pil murin a mela. 26A meamen me maur o pojon ia, jota pan mela kokolata; koe kamelele mepukat? 27A potoan on i: Ei Main, i pojon, me ir me Krijtuj Japwilim en Kot, me udan pwara don jappa. 28A lao indada met, ap koieila ren Maria ri a li, moninki on i: Jaunpadak kotidor kainoma uk. 29A lao ronadar, ap uda, madan wei re a, 30A Iejuj jaikenta lel on kanim o, pwe a kotikoteta waja Marta tu on i ia. 31Juj oko, me mi re a nan im o, pwen kamait i ala, lao kilanada, me Maria madan uda tan wei, rap idauenla i, indinda: A pan ko on ni joujou, pwen janejan ia. 32Maria lao lel waja o, o kilan i, ap poridi on ni aluwilu a indan i: Main, ma re kotikot met, ri ai ol jota pan mela. 33Iejuj lao majani i janejan, o Juj oko, me ian i kokodo pil janejan, ap kupurola, 34Majani: Komail pwilikidi ia i? Irail potoan on i: Main, kotido majani. 35Iejuj kotin tontonir. 36Juj oko ap inda: Kilan duen a pok on i! 37A akai ir me indada: A jo kak pan men et me kapad pajan maj en me majkun o, me ol men et ender mela? 38Iejuj pil kupurola koti don joujou o. A por o ulon nan kijin dol o takai eu mi poa. 39Iejuj kotin majani: Katapure wei takai en! A Marta, en me melar ri a li, indada: Main, a matalar, pwe a mi met pon pa pon. 40Iejuj kotin majani on i: I jo indai on uk, ma koe pojon, koe pan kilanada linan en Kot. 41Irail ap katapure jan takai o. A Iejuj kotin majanda majani: Jam, I danke komui, me komui mani ia er. 42A i aja, me komui kin mani ia anjau karoj, a pweki pokon o, me u jili, I indaki mepukat, pwe irail en pojon, me komui, me kadar ia do. 43A lao kotin majani met, ap kapitie laudeta majani: Lajaruj, koieido! 44A me melar o ap pedoido, likau en joujou kidim pena na o pa kan, o maj a me pirapinki pena lim en puto. A Iejuj kotin majani on irail: Lapwada kapitila i! 45Men Juj toto, me ko don Maria, o kilaner, me Iejuj kotin wiadar, pojonla i. 46A akai ir kowei ren Parijär oko, kaire kin irail me Iejuj kotin wiadar. 47Jamero lapalap o Parijär akan ap pokon pena kapun indada: Da me kitail en wiada? Pwe aramaj men et kin wia kilel toto. 48Ma kitail jota pan mokidi on i, karoj pan pojonla i, o men Rom pan kodo, ki jan kitail wei o atail kainok. 49A amen irail ad a Kaipaj, me jamoro lapalap ni par o, indan irail: Komail meid jo lolekon. 50O jota lamelame, me a mau on komail, aramaj ta men en kam kila aramaj akan, pwe kainok pokon ender lokidokila. 51A kaidik jan pein i, me a katitiki met, a i me jamero lapalap ni par o, i ari kopada, me Iejuj pan kamataki kainok o. 52A kaidik kainok eta, pwe a pil pan kapokon pena jeri en Kot akan, me muei pajan nin jap akan. 53Jan ni ran o irail raparapaki en kamatala i. 54Iejuj ap jolar kotikot jili janjal ren Juj oko, pwe a kotilan eu jap impan jap tan ni kanim eu ad a Epren, o kotikot ia ian japwilim a tounpadak kan. 55A paja en Juj oko me korendor, o me toto koeie jan nan jap karoj, kodalan Ierujalem mon paja, pwen kamaui pein irail. 56Irail ari raparapaki Iejuj idedok nan pun arail, ni ar pokopokon nan im en kaudok: Da me komail lamelame, a jota pan ko don kamadip o? 57A jamero lapalap o Parijär akan wiadar kujoned eu, meamen me aja waja a kot ia, i en kajaleda, pwe ren jaikidi i.