Joh 20 | PON | STEP | NI ran kaieu en wik Maria men Makdala pwara do n joujou o nin joran, a jaikenta ran paja n , ap diaradar, me takai o katapur ja n er mon joujou o.

‏ John 20

1 NI ran kaieu en wik Maria men Makdala pwara don joujou o nin joran, a jaikenta ran pajan, ap diaradar, me takai o katapur janer mon joujou o. 2 I ap tana wei, ko don Jimon Petruj o tounpadak teio, me Iejuj kotin kupura mauki, indai on ira: Irail wa janer Kaun o nan joujou o, a je jaja, waja re kidi on ia i. 3 Petruj ari koieila o tounpadak teio ap ko don joujou o. 4 Ira wiaki eu tana wei, a tounpadak teio me madan mon Petruj lel joujou maj. 5 A lao itiokidi, ap kilanada likau linen wonon, ap jota pedelon on lole. 6 Jimon Petruj ap kokodo idauen i, ap pedelon on nan joujou o, diarada likau linen ko wonon. 7 O lim en pudo me pira a kadokenmai, me jota ian likau linen ko; a lim pena waja toror. 8 A tounpadak teio me tion don joujou o, ap pil ko on lole; i ari diarada o pojonla. 9 Pwe ira kaikenta weweki kijin likau, me a en iajada jan a matala, 10 Tounpadak ko ap pur oner nan deu ’ra. 11 A Maria u liki jal on joujou o janejan. O ni a janejan a poridi, kilanlon on nan joujou o, 12 Kilanada tounlan riamen momod ia, kapwateki likau pwetepwet, amen liman kadokenmai a amen liman aluwilu a kan, waja kalep en Iejuj kotikot iaer, 13 Ira ari majani on i: Li, da me koe janejanki? A indai on ira: Aki irail wa janer ai Kaun, a i jaja, waja re kidi on ia i. 14 A lao indada met, ap joupei wei kilaner Iejuj kotia u o jaja, me i Iejuj. 15 Iejuj kotin majani on i: Li, da me koe janejanki? Ij me koe kin raparapaki? A kiki on, me i me jaumat o, ap indan i: Main, ma komui wa janer i, indai on ia, waja komui kidi on ia i, i ap pan wala jan i. 16 Iejuj ap kotin majani on i: Maria! I ari joupei on, potoan on i: Rapuni! Iet wewe: Jaunpadak. 17 Iejuj kotin majani on i: Der jair ia, pwe I kaikenta pwarala ren Jam ai, a kola ren ri ai kan, kaire kin irail, I kokodala ren Jam ai o Jam omail, ren ai Kot o omail Kot, 18 Maria men Makdala kodo kaireki tounpadak kan, me a kilanadar Kaun o, o me a kotin majani on i mepukat. 19 Lao nin jautik en ran ota, ni ran kaieu en wik, ni wanim ko me ritidier, waja tounpadak kan pokon pena ia, pweki ar majak Juj oko, Iejuj ap kotido u nan pun arail, majani on irail: Komail popol! 20 A lao majaniada met, ap kajale on irail lim a kan o panepan a. Tounpadak kan ap perenda ni ar kilanada Kaun o. 21 Iejuj ap pil kotin majani on irail: Komail popol! Duen Jam o kadar ia do, iduen I kadar komail la. 22 A lao majanier met, apnidi on irail majani: Komail ale Ngen jaraui! 23 Me komail pan lapwada dip ar akan, re lapwadar; o me komail katenedie dip ar akan, pan tenedier. 24 A Tomaj amen ekriamen, me adaneki Didimoj, jota ian irail, ni Iejuj kotin pwarador. 25 Tounpadak teio ap indai on i: Je kilaner Kaun o. A i me indai on irail: Ma i jota pan kilan lip en mata nan lim a kan, o kilon on nan lip en mata jondi en pa i, o kilon on pa ni panepan a, i jota pan pojon. 26 Murin ran walu japwilim a tounpadak kan pil pokon pena, o Tomaj ian irail. Wanim ko lao ritidier, Iejuj ap kotido, u nan pun arail majani: Komail popol! 27 Ap kotin majani on Tomaj: Kido jondin pa om o kilan pa i kat, o kido pa om, kilon on nan panepan ai, o der jopojon, a pojon ta! 28 A Tomaj japen indan i: Ai Kaun o ai Kot! 29 Iejuj kotin majani on i: Pweki om kilan ia er, koe pojon kilar, a meid pai, me kaikenta kilan ap pojon. 30 Kilel toto me jo intinidier nan puk wet, me Iejuj kotin wiadar nan pun en japwilim a tounpadak kan. 31 A mepukat me intinidier, pwe komail en pojon, me Iejuj me Krijtuj japwilim en Kot Ol. O komail en pojon ap aneki maur pweki mar a.