Luk 15 | PON | STEP | A JAUNOPWEI o me dipan akan karoj ap kai do n i pwen ro n i.

‏ Luke 15

1 A JAUNOPWEI o me dipan akan karoj ap kai don i pwen ron i. 2 A Parijär o jaunkawewe kan lipaned indada: Ol men et kin kompokeki me dipan akan o ian irail jakajak. 3 A a kotin majani on irail karajeraj wet: 4 Ij aramaj re omail me na jip epuki, a ma amen irail jalonalar me jo pan pwilikidi ir duekduemen nan wel ap raparapaki me jalonalar, lao a pan diarada i? 5 A lao diarada i, a kidan pon pop a pereperen. 6 A lao pure don deu a, a kin eker pena kompokepa kan o men imp a kan indai on irail: Komail ian ia perenda, pwe i diaradar nai jip me jalonalar. 7 I indai on komail, nan iduen peren pil pan mi nanlan pweki me dipan me ta men, me kalula, jan duekduemen me pun ap jota mau on kalula. 8 O ij li o me na denar eijok, eu ap jalonala jan, me jo pan ijikada lamp o koke im o, o raparapaki mau, lao a pan diarada? 9 A lao diaradar i, a kin eker pena kompokepa kan o men imp a kan indai on irail: Komail ian ia perenda, pwe i diarada ai denar o, me jalonalar. 10 Nan I indai on komail, iduen peren mi ren tounlan en Kot akan, pweki me dipan me ta men, me kalula. 11 A kotin majani: Aramaj amen mia, me na ol riamen. 12 A me tikitik re ’ra indai on jam a: Jam ai, kotiki don ia pwaij ai en jojo, me udan ai. I ari nene on ira ara dipijou kan. 13 A murin ran akai me tikitik ren ol oko ki pena a dipijou karoj, ap jailokalan jap doo, waja a kajela mal a kapwa kan nin tiak jued. 14 A lao kamuje weita a kapwa karoj, lek lapalap ap pwaida jap o, i ari dupokalar. 15 I ap koieila dodok ren me pweledan jap o men. I ap kadarala i, pwen kamana na pwik kan. 16 I ari inon ion, kankan wantuka kai, me pwik kin namenam, a jota me mueid on i. 17 A kadekadeo i lao lolekonalar, ap indada: Ladu me depa mi ren jam ai, me kan ar mana me rak, anai pan mekila jo kan ai mana. 18 I pan uda purela ren jam ai indai on i: Jam ai, i wiadar dip on nanlan o on komui. 19 I jolar waron adaneki noumui putak, komui ari wia kin ia ladu ’mui men. 20 I ari uda purela ren jam a. A ni a mi waja doo, jam a kilanada i, ap pokela, pitipiti don i o polodi i, metik i. 21 A putak o indai on i: Jam ai, i wiadar dip on nanlan o on komui, i jolar war on adaneki noumui putak. 22 A jam majani on na ladu kan: Wado likau kajampwal o kalikauwia kida i, o ki on rin ni jondin pa a, o jut ni nä a kan. 23 O wado kau pul wi o kamela, pwe kitail en kan o pereperen. 24 Pwe nai putak men et melar ap mauredar, a jalonalar ap diarokadar. Irail ari perendar. 25 A na putak laud mi nan jap o. Ni a pure don koren ion im o, ap ronadar kakaul o kakalek, 26 Ap kalelapok ren ladu men duen ar wiawia. 27 A indan i: Ri omui ol puredo, jam omui ap kamela kau pul wi o, pwe a diaradar i memaur o kelail. 28 A ap makara kida o jota men pedelon, jam a ap pedoi don re a poekipoeki. 29 A a japen indan jam a: Kom mani, par toto me i papa komui, o i jaikenta kawela eu omui majan akan, a kom jota kotiki on ia kijin kut amen, i en kamadipeki kompoke pai kan. 30 A noumui putak men et lao kodo, murin a kamuje wei a dipijou ren me jued akan, komui ap ijik on i kau pul wi o. 31 Jam a ap majani on i: Nai jeri, koe kin mimieta re i anjau karoj, o ai meakaroj me om. 32 Me mau, koe en peren o injenemau. Pwe ri om ol men et melar, ap mauredar, a jalonalar ap diarokadar.