‏ Luke 17

1A KOTIN majani on japwilim a tounpadak kan: Nan a jota kak, men kamakar kan en jo pwaida, a juedi on me kokido. 2A mau on, takai en ir plaua eu en paudoki on ni tapin wor a, ap lokidokila nan madau, jan a kamakar amen tikitik pukat. 3Kalaka pein komail! Ma ri om ol wia dipi on uk, en kapun on i, a ma a pan kalukila, maki on i. 4A ma a wia dipi on uk pan ijepak ni ran eu o pure don uk pan ijepak indada: I kalula, koe en maki on i! 5A wanporon akan potoan on Kaun o: Re kotin kalaudela at pojon! 6A Kaun o kotin majani: Ma omail pojon laudi on wan katirin, komail pan kak indai on tuka pik pot et: Kaijan, kajau on nan madau, a pan oke komail. 7A ij re omail, me a ladu men, me kin matimat o kamakamana man akan, pan indan i ni a puredo jan matuel o: Madan kodo mondi o mana? 8A jota pan indan i: Kaonopada me i pan mana nin jautik o, kaiada om likau, papa ia, lao i manaer o nim, a muri koe pan mana o nim. 9De a pan danke ladu pweki a wiada, me a majani on i? I lamelam jo. 10Pil dueta komail, komail, lao wiadar meakan me kakaliki on komail er, komail ap pan inda: Kit ladu mal, pwe i eta, me je wiadar, me kakalik on kit er. 11Kadekadeo ni a kotilan Ierusalem, a kotin weid nan wein Jamaria o Kaliläa. 12O ni a kotin kotilon on nan kijin kanim eu, ol tuketuk ek tu on i, me udi on kaila wei. 13Irailnil laudeda indada: Main Iejuj, kupurai kit! 14A lao kotin majanier, ap majani on irail: Komail koieila kajanjale on pein komail on jamero kan. Kadekadeo ni arail kokola irail kelailada. 15A amen irail ni a kilaner me a kelailadar, ap puredonil laudeda, kapikapina Kot. 16O poridi jan aluwilu a, danke i; ari, i men Jamaria men. 17Iejuj kotin japen majani: Kaidin me ek, me kelailadar, a ia me duemen oko? 18Jota me pure don kapina Kot, ol en liki men et eta? 19A majani on i: Uda ko wei, om pojon me kakel uk ada! 20Parijär akai lao kalelapok re a: Dokan da me wein Kot pan pwaida? A kotin japen majani: Nan wein Kot jota kin janjal kokodo. 21Irail jota pan indada: Kilan met, de kilan monen, pwe kilan, wein Kot mi lol omail. 22A kotin majani on japwilim a tounpadak kan: Ran oko pan kodo, me komail pan men kilanada ran eu en Nain aramaj, a komail jota pan kak kilan. 23Irail pan indai on komail: Kilan monen, de kilan met! A der kola o der idauen ir ala! 24Pwe duen liol kin linalin jan apali en lan lel pali teio en lan, iduen Nain aramaj ni a ran o. 25A maj a pan kalokolok toto o lokidokila ren di wet. 26O duen a wiaui ni muein Noa, iduen a pan wiaui ni ran oko en Nain aramaj: 27Irail mana, irail nim, irail papaud, irail kapapaud, lao lel ran en Noa a pedelon on nan war im o, o nolik pwaida kamom ir ala karoj. 28Pil dueta ni muein Lot: Irail mana, irail nim, irail netinet, irail japajap, irail kauadar im, 29A ni ran o, me Lot koiei jan Jodom, kijiniai o jwepel ap moredi jan nanlan, kame ir ala karoj. 30Nan iduen a pan wiaui ni ran, me Nain aramaj pan janjaledo. 31Ni ran o meamen mi pon im, o a kapwa mi nan im, a ender kodi on ale. O pil dueta me mimi nan jap, i ender puredo. 32Tamatamanda en Lot a paud! 33Pwe meamen kanakanai on maur a, pan pupe jan, a me pan kajela, nan i me pan maureta. 34I indai on komail, ni pon ota ol riamen pan wonon pon pet eu, amen pan peuka jan, a me teio pan mimieta. 35Li riamen pan irij pena plaua, amen pan peuka jan, a me teio pan mimieta. 36Ol riamen pan mi nan jap, amen pan peuka jan, a me teio pan mimieta. 37Irail japen potoan on i: Ia Main? A kotin majani on irail: Waja me man mat mi ia, nan i waja pwin ikel pan pil pokon pena ia.