‏ Mark 13

1NI a kotieila jan ni im en kaudok, amen japwilim a tounpadak kan potoan on i: Jaunpadak, kom kotin majani takai o im pukat! 2A Iejuj kotin japen, majani on i: Koe kilekilan im kalaimun pukat? Jota takai eu pan mi pon eu, me jo pan lokidoki jan. 3Ari, ni a kotikot pon dol Oliwe jal don im en kaudok, Petruj, o Iakopuj, o Ioanej, o Andreaj, re ap kelep potoan on i: 4Re kotin majani on kit, iad mepukat pan wiaui o da pan kadapakilene en mepukat karoj a pan pwaida? 5Iejuj ap kotin japen irail majani: Kalaka, pwe meamen de kotaue komail! 6Pwe me toto pan kodo ni ad ai, inda: Ngai i. Re ap pan kotaueda me toto. 7O ni omail pan ron mauin o ron en mauin, komail depa majak! Pwe mepukat udan wiaui; a jaikenta imwi. 8Pwe wei eu pan u on eu wei o pil wei en nanmarki ko, o jap rerer pan wiaui jili, o lek, o injenjued, mepukat kamoe en patau. 9A komail kalaka pein komail! Pwe re pan pan komail la on kapun o jinakoke kan; o komail pan kamekame o wijike don mon monjap o nanmarki kan pwekinai, pwen kadede on irail. 10O ronamau en kaloki on maj nan jap karoj. 11A ni arail wa komail la o panla komail, der lamelame maj, me komail pan inda, pil der madamadaua maj. A iei me o, me pan ko on komail ni klok ota, i me komail en inda! Pwe kaidin komail me lokaia a Ngen jaraui. 12Pwe ol pan panala ri a ol, pwen kamela; o jam na jeri, o jeri ko pan u on jam, in, o pan kare on ir, en kamela. 13Komail ap pan kalinarinarla pan aramaj karoj pweki ad ai. A me dadaurata lao imwi lel, a pan dorela. 14Ni omail kilan wiawi jued en kao lapalap, me a pan wiaui waja, me a jo kon on meamen wudok a en dedeki me mimi Iudäa, re en jopo won nan nana ko. 15O me mi pon im, depa kodido nan im; a depa pil pedelon on lole, pwen ki jan meakot. 16O me mi nan jap, depa japaledo ale a likau. 17A pan non juede on me lijean o on ir, me kadidi ni ran oko. 18Komail kapakapeki, pwe omail japola de wiaui ni anjau en pou. 19Pwe ni ran oko kainjenjued pan wiaui, me jota due jan ni tapin jappa, ni en Kot a kotin wiada kokodo kokolata. 20Ma Kaun o jota kotin kamotola ran oko, jota uduk, me pan dorela. A pweki me pilipildar akan, me a kotin piladar, iei me a kotin kamoto kila ran oko. 21Ma meamen indai on komail ni anjau o: Kilan, iet et Krijtuj! De ionen! Der kamelele. 22Pwe Krijtuj likam o jaukop likam akai pan koda o re pan kajaleda kilel o manaman, pwen pil kotaue ir, me pilipildar akan ma re kak on. 23Komail ari kalaka! Pwe I kop on komail er meakaroj! 24Ari, ni ran oko murin kainjenjued katipin pan rotala, o maram pan jolar linan. 25O uju en lan pan pupedi o kelail en lan akan pan mokimokid. 26Ari, re ap pan kilan Nain aramaj pan kotikot kodo nan dapok ni a rojon melel o ni a linan. 27A ap pan kadar pajan na tounlan kan, kapokon pena jan pali en lan paieu japwilim a pilipildar akan, jan imwin jappa lel imwin lan. 28Komail en aja karajeraj en tuka pik. Ni ra kan ar ponj o pepe pwarado, komail kin aja, me rak korenier. 29O pil komail; ni omail kilan wiawia pukat a pan pwaida, komail en aja, me a korendor, a mier pan wanim. 30Melel, I indai on komail: Di wet jota pan imwijokela, lao wiawia pukat pwaida. 31Lan o jappa pan joredi, a ai majan jota pan joredi. 32A duen ran o klok jota amen me aja. Tounlan kan, me mi lan, pil jota aja; Na pil jo, Jam eta. 33Komail kalaka! Majamajan o kapakap! Pwe komail jaja anjau o! 34Due aramaj amen, me wia jailok doo, me kidi im a, ap ki on manaman ren a ladu kan, pil ki on karoj ar dodok, ap pil majani on jilepan wanim o, en majamajan. 35Iei me komail en majamajaneki, pwe komail jaja anjau, jaumaj en im o a purodo, ma jautik, de ailep en pon, de ni malek kakorot, de ni manjan. 36Pwe a depa madanedo, diarada omail mamair. 37O me I indai on komail, I pil indai on karoj, majamajan!