‏ Matthew 9

1I ARI kotida pon jop o, kotela pur on japwilim a kanim. 2A kilan, re wa don i me jomau kokon madak, me wonon pon pet. Iejuj lao kotin majani ar pojon, ap majani on me jomau kokon madak: Nai, kaporopor mau, dip om akan me lapwadar. 3A kilan, jaunkawewe kai monemoneloleki: Lap o kin lalaue. 4A Iejuj lao mani arail lamelam, ap kotin, majani: Menda komail lamelam jued nan monion omail? 5Pwe ia me monai ren inda: Dip om akan lapwadar! De inda: Uda aluwei? 6A pwe komail en aja, me Nain aramaj me manaman on lapwada dip nin jappa iei me a kotin majanieki on me jomau kokon madak: Uda, ale ki om ko on deu om! 7I ari udar, koieilar deu a. 8Pokon lao kilaner mepukat, rap malamalauak kila kapina Kot, me kotiki on aramaj manaman due met. 9Iejuj lao kotiwei jan waja o, ap majani aramaj amen, me ad a Matäuj, me momod nan deun nopwei, ap kotin majani on i: Idauen ia do! I ari uda idauenla i. 10Kadekadeo a lao kaipokedi konot nan im o, kilan jaunopwei o me dipan me toto ian Iejuj o japwilim a tounpadak kan konokonot. 11Parijär akan lao kilaner met, ap indan japwilim a tounpadak kan: Da me omail Jaunpadak ianki jaunopwei o me dipan akan konokonot? 12Iejuj lao mani mepukat, ap kotin majani: Me kelail akan jota mau on jaunwini, pwe me jomau eta. 13A komail kola, padakki wewen kajoi pot et: I kin polauleki kadek a kaidin mairon ijij. I kodon eker don kalula me dipan akan, a kaidin me pun kan. 14En Ioanej a tounpadak kan ap pwara don re a potoan on: Da me kit o Parijär akan kin kaijejol pan pak toto, a japwilim omui tounpadak kan jota kin kaijejol? 15Iejuj ap kotin majani on irail: Da, toun kamadip en kapapaud pan kak kamauk ni anjau ol kamot mi re ’rail? A kadekadeo eu ran ol kamod pan peukawei jan irail, re ap pan kaijejol. 16Jota amen me kin deipinaki likau kap likau marin, pwe me depin a pan teirok jan likau o, a por o pan laudela. 17Pil jota amen me kin kodie on wain kap nan ed marin, a ma ei ed akan pan ola, a wain pan wudokela, o ed akan pan ola. A re kin kodie on wain kap nan ed kap, ira karoj ap nekinek mau. 18Ni a kotin majani on irail mepukat, kilan jaupeidi amen ap pedelon, poridi on i potoan on: Nai jeripein apton melar, a ren kotido, pwil po a lim ar, a ap pan maureda. 19Iejuj ari kotida idauenla i, o japwilim a tounpadak kan pil ian. 20A kilan, li amen, me nta pwilipwil parnaulriau, a kai on pon palikia o jair imwin japwilim a likau. 21Pwe a lamelame: Ma i doke japwilim a likau, i pan kelailada. 22A Iejuj kotin jaupeila; a lao majani i, ap kotin majani: Jeripein kaporopor mau, om pojon me kakelail uk ada. A li o kelailadar ni auer ota. 23A Iejuj lao kotilon on nan im en jaupeidi o, ap majani jaunkajan o moromoron en aramaj akan, 24Ap kotin majani: Kowei jan, pwe jeripein en jota melar, pwe a mamair. Irail ap kaurureki i. 25Aramaj akan lao kokok jan, i ap kotilon on, ale pa a, jeripein ap paurida. 26Mepukat ap lolok jili nan jap karoj. 27Iejuj lao kotila jan waja o, ol majkun riamen idauenla i, weriwer indada: Kupura kit, Komui japwilim en Dawid! 28A lao kotilon on nan im o, me majkun ko ap ko don i. Iejuj ari majani on ira: Koma kamelele, me I kak on wiada met? Ira potoan on: Ei Main. 29I ap kotin jair maj ara majani: Duen oma pojon a pan wiaui on koma. 30Maj ara ari pad pajan. Iejuj ap kotin kalik ira di majani: Kalaka, pwe meamen de aja! 31A ira koieilar katiti jili ni jap karoj. 32Ira lao koieilar, kilan, irail ap wa don i aramaj amen, me loton o tewil ti poa. 33Tewil lao pakauja jan, me loton o ap lokaia; pokon o ap malamalauak kila indada: Nan dueta met a jaikenta wiauier nan Ijrael. 34A Parijär indada: Nan jaumaj en tewil akan me a kaujaki jan tewil akan. 35Iejuj ap kotin kakan jili nan kanim laud o me tikitik kan kawewe nan ar jinakoke kan o padapadaki ronamau en wei, o kotin kakelada jon en jomau o luet akan karoj. 36A lao majani pokon o, ap kotin kupuro kin irail, pwe irail joanianalar o dupokalar dueta jip akan, me jota jile parail. 37I ap kotin majani on japwilim a tounpadak kan: Nan melel rak me kalaimun, a men dodok me malaulau. 38Komail ari poeki ren Kaun en rak, en kadarala toun dodok kan nan a rak.