Psalms 59
Pekpen Silasil Mwahu ▼▼ TITLE NI MAHSEN EN IPRU: En Depit melkahka mwurin Sohl eh kadarala ohl ekei pwe re en sinsile imweo pwe re en kemehla.
,
b
1Maing ei Koht, komw ketin doareiesang ei imwintihti kan; komw ketin sileiesang me kin pelian ie.
2Komw ketin kapitiesang aramas loallap suwed pwuko;
komw ketin kapitiehla sang sounkam aramas pwuko!
3Komw mahsanih! Re awiawih ie pwe re en kemeiehla;
aramas lemei kei irail me pokonpenehr pwehn uhwong ie.
Maing KAUN, kaidehn pwehki ei dipadahr de wiadahr sapwung ehu,
4de pwehki kisin sapwung kis me mie rehi,
me re mwadamwadangkipenehng nan dewerail.
5Maing KAUN, Koht, Wasa Lapalap, komw ketida oh ketido sewese ie;
Maing Koht en Israel! Komw pein ketin mahsanih!
Komw ohpala wasa oh ketin kaloke me rotorot akan;
komw dehr ketin kupwurkalahngan ong me loallap suwed akan!
6Re kin pwurodo nin soutik,
wie ngiringir duwehte kidi ni ar kin kohkohseli nan kahnimwo.
7Komw karonge mahs ar lokaia kapweikeng oh kamasepwehk kan.
Lowarail kan duwehte kedlahs nan awarail,
re ahpw kin lemeleme me sohte me kin rong irail.
8Ahpw, Maing KAUN, komw kin ketin kiparamatkin irail;
komw kin ketin wiahki me rotorot akan mehkot mwahl.
9I kin koapworopworki sapwellimomwi roson;
Maing Koht, komwi me ei wasahn ruk.
10Ei Koht kin ketin loalloale ie oh pahn ketido rehi;
e pahn ketin kasalehiong ie lohdi en ei imwintihti kan.
11Maing Koht, komw dehr ketin kemeirailla, pwe nei aramas akan dehr manokehla.
Ahpw komw ketin katangahkinirailpeseng sapwellimomwi roson lapalap oh kaloweiraildi,
Maing ei Kaun, oh silepat.
12Dihp mi ni kilinawarail kan; arail koasoi kan koaros diren dihp;
komw kupwure pwe arail koasoi kan en lidipihiraildi nan ar pohnmwahso!
Pwehki ar kin lahlahwe oh lokaia likamw,
13komw ketin angiangih irail oh kamwomwirailla;
komw kamwomwirailla douluhl.
Pwe aramas koaros en patohwan ese me Koht kin ketin kakaun Israel,
oh sapwellime manaman kin kipe wasa koaros nin sampah.
14Ei imwintihti kan kin pwurodo nin soutik,
wie ngiringir rasehng kidi nindokon ar kin kokohseli nan kahnimwo,
15rasehng kidi me kin tangatangseli reperepen kisin mwenge
oh kin wie ngiringir ma re sohte kin diar mehkot.
16A I pahn koulki duwen sapwellimomwi roson;
nimenseng koaros I pahn kin kokoulki sapwellimomwi limpoak poatopoat.
Komwi me ei wasahn ruk,
oh perehpei ni ahnsoun ei apwal.
17I pahn kin kapinga komwi, ei soundoar.
Ei wasahn ruk iei rehn Koht,
Kohto me kin ketin poakohng ie.
Copyright information for
PON2006