Psa 61 | PON2006 | STEP | Maing Koht, komw ketin karonge ei likwer; komw ketin karonge ei kapakap!

‏ Psalms 61

Kapkap en Silasil ^{▼▼ TITLE NI MAHSEN EN IPRU: En Depit.}

1 Maing Koht, komw ketin karonge ei likwer;
komw ketin karonge ei kapakap!
2 Nan ei mwoatohtalahr solahr angi oh dohsangehr sapweio,
I ahpw patohwan likweriong komwi.

Komw ketikiwohng ie wasahn ruk mwahu,
3 pwe komwi me silepei,
soundoarepei kehlail en pelian ei imwintihti kan.

4 Komw ketin mweidohng ie pwe I en kin patopatohte nan mwoalomwi sarawi erein ei mour;
pwe I en kin diar ei wasahn ruk oh meleilei pahn mwetehn nin limomwi.
5 Maing Koht, komw ketin karongeier ei tungoal inou kan
oh ketikihongieier dahme en irail kan me kin waunekin komwi.

6 Komw ketin kareireila mour en nanmwarkio;
komw kupwure pwe en kin momour kohkohlahte!
7 Maing Koht, nanmwarkio en kin kakaun mwohn silangmwi kohkohlahte;
komw ketin kasilehki sapwellimomwi limpoak poatopoat oh loalopwoat.

8 Eri, I pahn patohwan koulkihong komwi koulen kaping ahnsou koaros,
ni ei pahn kin patohwan meirongkihong komwi rahn koaros dahme I inoukidahr.

‏ Psalms 61

Kapkap en Silasil ▼▼ TITLE NI MAHSEN EN IPRU: En Depit.

Kapkap en Silasil ^{▼▼ TITLE NI MAHSEN EN IPRU: En Depit.}