Rev 4 | PON2006 | STEP | I ahpw pil kilangada kaudiahl ehu ni ahnsowo: mwohn meseiet wenihmw ehu ritida nanleng. Oh ngihl ehu, likamwete ngilen sowio me I rongehr ngkapwan, me peidohng ie, mahsanih, “Kohdahdo mahs met, pwe I pahn kasalehiong uhk mehkan me pahn wiawi ni ahnsou me pahn kohdo.”

a 4.2-3 Esek. 1.26-28; 10.1.

b 4.5 a Eks. 19.16; Dop. 12.15; Kaud. 8.5; 11.19; 16.18; b Esek. 1.13; c Kaud. 1.4; Sek. 4.2.

c 4.6 Esek. 1.22.

d 4.6-7 Esek. 1.5-10; 10.14.

e 4.8 a Esek. 1.18; 10.12; b Ais. 6.2-3.

‏ Revelation of John 4

Kaudok Nanleng

1 I ahpw pil kilangada kaudiahl ehu ni ahnsowo: mwohn meseiet wenihmw ehu ritida nanleng. Oh ngihl ehu, likamwete ngilen sowio me I rongehr ngkapwan, me peidohng ie, mahsanih, “Kohdahdo mahs met, pwe I pahn kasalehiong uhk mehkan me pahn wiawi ni ahnsou me pahn kohdo.” 2 Ni ahnsowohte Ngehn Sarawi ahpw tiada pohi. Ngehi eri kilangada mwoahl ehu nanleng, oh mehmen me ketiket powe. ^a 3 Silangi lingaling duwehte kisin takai kesempwal me adaneki sasper oh karnelian; oh ahia ehu me pohe duwehte pohn takai kesempwal me adaneki emerald kapilpene mwoahlo. 4 Mwoahl rieisek pahieu pil kapilpene mwoahl wet, oh lapalap riehk pahmen me ket powe; irail koaros likou pwetepwet oh elin kapwar kohl mi pohn moangarail ko. 5 Lioal kin pirsang ni mwoahl me mi nanwerengeo; ngirisek kei kin peisang ie, oh nansapwe kin posopossang ie. Mehnser isuh mie me kin lullul mwohn mwoahlo; eri, iei irail ngehn isuhwen Koht. ^b 6 Oh mwohn mwoahlo mie mehkot me duwehte sehd mwakelekel ehu, rasehng kilahs.

Pil pali koaros en mwoahlo, menmour pahmen mie, me diren pwoaren mas mwohrail oh pohnsekirail. ^{c
,} ^d 7 Keieun menmouro rasehng laion emen; keriemeno rasehng kouwol emen; oh kesilimen en menmouro mese rasehng mesen aramas; a kapahmeno rasehng ikel men me wie pipihr. 8 Pehnpihr weneu mie rehn emenemen menmour pahmeno; oh pohn pehrail oh pahn pehrail ko diren pwoaren mas. Re ahpw sohte kin tokedihsang ar kin kokoulki ni rahn nipwong koul pwoatet:

“Sarawi, sarawi, sarawi, iei komwi at Kaun, Koht, Wasa Lapalahpie,
me ketin mieier mahs, me ketin mie met, oh me pahn ketido.” ^e
9 Nindokon menmour pahmeno kin wiewia ar koulen kalingan, wahu, oh kapingkalahngan ong me ketin ieias poatopoat me ketiket pohn mwoale, 10 lapalap riehk pahmeno kin poaridi mwohn mwoalen me ieias poatopoato oh pwongih. Re ahpw kin patohwandiong mwohn mwoahlo arail elin kapwat akan, oh kin kokoulki,

11 “Maing at Kaun oh at Koht! Komwi me uhdahn warohng
sapwellimaniki lingan, wahu, oh roson.
Pwe komwi me ketin wiadahr mehkoaros,
oh pwehki kupwuromwien, me mehkoaros mihmiehki oh momourki.”