Psa 114 | PON2006A | STEP | Ni ahnsou me mehn Israel mweselsang Isip, kadaudok en Seikop kan mweselsang sapwen likio,

a 114.1 Eks. 12.51.

b 114.3 a Eks. 14.21; b Sos. 3.16.

c 114.8 Eks. 17.1-7; Nemp. 20.2-13.

‏ Psalms 114

Melkahkahn Pahsohpa

1 Ni ahnsou me mehn Israel mweselsang Isip,
kadaudok en Seikop kan mweselsang sapwen likio, ^a
2 Suda wiahla sapwellimen KAUN-O aramas sarawi kei,
Israel wiahla sapwellime.

3 Sehd Weitahtao kilangadahte oh tangdoaui;
Pillap Sordan tokedihsang eh pwilipwilwei. ^b
4 Nahna kan mwusimwusikek rasehng kuht kei;
dohl akan lusulusseli duwehte sihmpwul kei.

5 Sehd? Dahme ke tangkidoaui?
Ah kowe Sordan, dahme ke pweiengkihdi sohla pwilipwilwei?
6 Kumwail nahna kan, dahme kumwail mwusimwusikengki duwehte kuht kei?
Oh kumwail dohl kan, dahme kumwail lusuluskiseli duwehte sihmpwul kei?

7 Kowe, sampah, ke en rerrada ni KAUN-O eh pahn ketido,
ke en rerrada mwohn silangin Koht en Seikop,
8 me kin ketin wekidohng takai kan ni pwarer en pihl
oh paip akan ni kahng en pihl. ^c