Psalms 62
1NGEN i moleileilar ren Kot, me kotin sauasa ia.2Pwe i eta ai paip, o sauas pa i, o pere pa i, pwe i en sota luetala kokolata.
3Arai da komail kin masamasan ol ta men, pwen kamela, me rasong did panpanla o kel me paul pasanger?
4Re kin madamadaua duen ar pan kak kapupedi i, re kadek likam, re kin lokaia kaselel, a nan mongiong arail re kin lalaue.
5NGen I kaporoporeki Kot, pwe I kapre pa i.
6I eta ai paip o sauas pa I, o pere pa I, pwe I ender pupedi.
7Ai maur mi ren Kot, o ai lingan, o ai paiap, o ai kel; I kaporoporeki Kot.
8Komail aramas akan karos kaporoporeki I ansau karos kasansale on I mongiong omail, Kot kapore patail.
9A aramas akan sota meakot, o me lapalap akan pil kin sapungala. Ni men tenok re kin kokoda, menda ma irail me toto.
10Komail der keleki omial dipisou sapung o der kaporoporeki me komail kuliadar. Ma komail pan kapwapwala, komwail der kasampaleki!
11Kot kotikidar masan eu, me I ronger akai ansau, iet: Kot eta me manaman.
12Komui Maing me kalangan o komui kin pwain ong amen amen duen a wiawia kan.
Copyright information for
PONPDN