Psa 83 | PONPDN | STEP | MAING Kot, kom der so masan dong, o der sapaimokid, Maing Kot, kom der kotin nenenla!

‏ Psalms 83

1 MAING Kot, kom der so masan dong, o der sapaimokid, Maing Kot, kom der kotin nenenla!
2 Pwe kom kotin mangi, sapwilim omui imwintiti kan kin lingarangar, o me kailong kin komui, me aklapalap.
3 Irail kin widing ni ar kapakapung ki sapwilim omui kan, o re kin raparapaki duen ar pan kawela sapwilim omui me nekinekilar akan.
4 Re kin inda: Na kitail, kitail kokosang irail, pwe ren solar wei eu, o solar me pan inda duen wein Israel!
5 Pwe irail wiaki eu o re inauki pena, ren palian komui.
6 Im pwal en Edom, o Ismael, Moap, o Akar,
7 O Kepal, o Anion, o Amalek, men Pilista iangaki men Tirus.
8 Asor pil waroki ong ir; re kin sauasa kadaudok en Lot.
9 Kom kotin wiai ong ir dueta ong men Midian, o Sisera, o lapin ni pilap Kison.
10 Me kamelar impan Endor, rap wia pwel la nan pwel.
11 Kom kotin wiala ar saupeidi kan dueta Orep o Seep, o ar monsap akan karos dueta Sepa o Salmuna.
12 Pwe re indinda: Kitail pan kaloedi im en Kot akan!
13 Maing Kot kom en kotin wia kin irail la alepip en kisiniang, dueta dip en ra mon kisiniang.
14 Duen kisiniai kin karongala tuka en wei o duen umpul en kisiniai kin isikeda nan wel,
15 Iduen kom kotin paki kin irail sapwilim omui liol ape, o kamasak kin irail omui melimel.
16 Kadire kila mas arail namenok, pwe ren rapaki mar omui, Maing leowa.
17 Ken namenokala o masapwekada kokolata, o ren soredi o mela.
18 Rap pan asaki, me komui ta maraneki Kaun o me komui ta lapalap nan sap karos.