1 Timothy 4
နောက်ဆုံးကာလမာ ဖြစ်ပျက်လာဖို့စာ အကြောင်း
1 သန့်ရှင်းသောဝိညာဉ်တော်စာ ဒေဂုလည်း ရှရှင်းလလင်း ပြောပြနီရေ၊ ဒေ နောက်ဆုံးကာလမာ တစ်ချိုးလူရို့စာ မုတ်သားစကား ပြောစာ ဝိညာဉ်တိကို လက်ခံကတ်လိမည် အရာ နတ်ဆိုးတိ သွန်သင်ချက်ကို လိုက်နာကတ်လိမည် အရာ သူရို့စာ ကိုယ်ရို့မာ ကျုံခြင်းတရားကို စွန့်ဘိုက်ကတ်လိမည်။ 2အယောင်ဆောင်ရို့န မုတ်သားစကား ပြောသူရို့စာ ထိုမှားယွင်းစာ အကြောင်းတိကို သွန်သင်ပီးနီကတ်တေ။ သူရို့စာ အကောင်း-အဆိုး အကြောင်းတိကို ယူရို့ မစစ်ဆေးနိုင်ကတ်။ 3သူရို့စာ အိမ်ထောင်မပြုဖို့အတွက် အရာ တစ်ချိုး အစားအစာကို ရှောင်ဖို့အတွက် လူရို့ဘားမာ သွန်သင်ပီးနီကတ်တေ၊ ယေကေလည်း ထာဝရဘုရားစာ ထိုအစားအစာတိကို ဖန်ဆင်းလီရေ။ ယင်းအတွက်န ကျုံသူရို့န မှန်ကန်ခြင်းကို သိသူရို့စာ ထာဝရဘုရားကို ကျေးဇူးတင်ရို့ ထိုအစားအစာတိကို စားနိုင်ရေ။ 4အမှန် ပြောလိုက်ဖို့ဆိုကေ ထာဝရဘုရား ဖန်ဆင်းစာ ဟိသမျ အားကုံး ကောင်းရေ။ ယင်းအတွက်န ထာဝရဘုရားကို ကျေးဇူးတင်ရို့ လက်ခံယူရေဆိုကေ ပယ်ဘိုက်ဖို့စာ တစ်ခုလည်း မဟိ၊ 5အကြောင်းကား ငါရို့စာ ထာဝရဘုရား၏ စကားတော်ကို အသုံးပြုရို့ ဆုတောင်းရေခါ ထိုအစားအစာတိစာ သန့်စင်လားခရေ။ယေရှုခရစ်တော်၏ ကောင်းမြတ်စာ အလုပ်သမား
6ငါ ပြောပြစာ စကားတိကို နင် ကျုံသူညီအစ်ကိုမောင်နမှရို့ဘားမာ ပြောပြလီ။ ယင်းပိုင်ဆိုကေ နင်စာ ယေရှုခရစ်တော်၏ အကောင်း ပြုဇုသူတစ်ယောက် ဖြစ်လိမည်။ အရာ ကျုံခြင်းတရားန ကောင်းမြတ်စာ သွန်သင်ချက်ကို နင် လိုက်နာရို့ အားခွန်န ပြည့်စုံရေဆိုစာကို သက်သီ ဖြစ်လိမည်။ 7ရိုသေကြောက်လန့်ခြင်း မဟိစာ ရယ်စရာ ဝတ္ထုတိကို နင် နားမထောင်လီကေ့။ ထိုဝတ္ထုတိကား ဝါကြီးမရို့ ပြောပြစာ ဝတ္ထုနတူရေ။ ယင်းထက်ပင် နင် ထာဝရဘုရားကို ရိုသေကြောက်လန့်ခြင်းန ပြည့်စုံဖို့အတွက် ကြိုးစားအားထုတ်လီ။ 8– 9– 10ကိုယ်ခန္ဓာ လေ့ကျင့်မှုစာ အကျိုး အများမပီး၊ ယေကေလည်း ဝိညာဉ်နဆိုင်စာ လေ့ကျင့်မှုစာ အားကုံးစာဖက်က အကျိုးပီးရေ။ ထိုလေ့ကျင့်မှုစာ ဒေ ဘဝအတွက်န နောင်ဘဝအတွက် မျှော်လင်းချက်ကို ပီးရေ။ ယင်းအတွက်န ငါရို့စာ ကြိုးစားအားထုတ်ရို့ အလုပ်လုပ်နီကတ်တေ၊ အကြောင်းကား ငါရို့စာ အသက်သျှင် ထာဝရဘုရားကို မျှော်လင်းနီကတ်တေ။ သူစာ ဟိသမျ လူရို့မာ ကယ်တင်သျှင် ဖြစ်တေ၊ ယေကေလည်း အရေးကြီးဆုံး ဖြစ်တေကား သူ့ကို ကျုံသူရို့မာ ကယ်တင်သျှင် ဖြစ်တေ။ ထိုစကားတိစာ မှန်ရေ အရာ နင် ထိုစကားတိကို အပြည့်အစုံ လက်ခံဖို့ သင့်ရေ။ 11နင် ဒေ ဟိသမျ အကြောင်းအရာကို လူရို့ကို လိုက်နာဖို့ ခိုင်းလီ အရာ သူရို့ကို သွန်သင်ပီးလီ။ 12နင် လူပျိုတစ်ယောက် ဖြစ်တေအတွက်န နင့်ကို တစ်ယောက်လည်း အားမနာ မလုပ်စီကေ့။ ယင်းထက်ပင် နင့်မာ စကားပြောခြင်း၊ အကျင့်သီလ၊ ချစ်ခြင်းမေတ္တာ အရာ ကျုံခြင်းတရားန ဖြူစင်ခြင်းကနီရို့ ကျုံသူရို့ဘားမာ ကိုယ့်ကို ပုံဥပမာ တင်ပြလီ။ 13ငါ မလာသကြား ကျုံသူရို့ဘားမာ နင် ကျမ်းစာကို ဖတ်ရို့ ပြလီ၊ တရားဟောပြောလီ အရာ သွန်သင်ပီးလီ။ နင် ထိုအလုပ်တိကို အရေးစိုက်ရို့ လုပ်နီလီ။ 14နင့်ကို အလုပ်မာ တာဝန် ပီးလီရေခါ အသင်းတော် ဂေါင်းဆောင်အကြီးရို့စာ နင့် အဂေါင်းမာ အလက် တင်ရို့ ဆုတောင်းရို့ ပီးကတ်လီရေ။ အရာ သူရို့စာ နောက်အနာဂါတ်စကားကို ဟောပြောကတ်လီရေ။ ယင်းခါ နင်စာ ဝိညာဉ်၏ ဆုကျေးဇူးကို ရလီရေ။ ယင်းဆုကျေးဇူးကို နင် အသုံးမပြုဘိုင်းန မနီလီကေ့။ 15နင့် ဘဝန နင့် အလုပ်တိ တိုးတက်ခြင်း ဟိရေဆိုစာကို လူရို့ အားကုံးသူ မြင်ရကတ်ပတ်စီအတွက် နင် ငါပီးစာ ပညှတ်ချက်တိကို စိတ်ဝင်စားရို့ လိုက်နာလီ အရာ အပြည့်အစုံ ကြိုးစားအားထုတ်ရို့ အလုပ်လုပ်လီ။ 16နင့် ဘဝန နင့် သွန်သင်ချက် အကြောင်းကို သတိထားလီ။ နင့်ကို ပီးစာ အလုပ်တိကို နင် လုပ်ရို့ နီလီ။ ယင်းပိုင်ဆိုကေ နင်န နင့် သွန်သင်ချက်တိကို နားထောင်သူရို့လည်း ကယ်တင်ခြင်းကို ရကတ်လိမည်။
Copyright information for
RmzSC