2 Peter 3
ယေရှု ပြန်ရို့ ကြွလာဖို့စာ အကြောင်း
1– 2ငါ ချစ်ခင်စာ ညီအစ်ကိုမောင်နမှရို့၊ ငါ ဒေ ဒုတိယ စာစောင်ကို နင်ရို့တို့ ရွီးလိုက်တေ။ သန့်ရှင်းစာ ဘုရားသတင်းပို့သူရို့ ဟောပြောခစာ စကားတိန တမန်တော်ရို့ကနီရို့ ပီးခစာ ငါရို့မာ ကယ်တင်သျှင်ဆိုစာ အသျှင်ယေရှု၏ ပညှတ်ချက်တိကို ငါ နင်ရို့ကို အတွက်ဖေါ်ရို့ ပီးချင်ရေ။ နင်ရို့မာ စင်ကြယ်စာ စိတ်နှလုံးကို နှိုးဆော်ဖို့အတွက် ငါ ဒေ စာနှစ်စောင်ကို နင်ရို့တို့ ရွီးလိုက်လီစာ ဖြစ်တေ။ 3နောက်ဆုံးကာလမာ ဇာ ဖြစ်ပျက်လာဖို့လည်းဆိုစာကို နင်ရို့ ပထမဆုံး နားလည်ကတ်ရဖို့။ နောက်ဆုံးကာလမာ လူရို့စာ ကောင်းမြတ်စာ အကြောင်းအရာတိကို ယူရို့ ရယ်သွန်းပြုကတ်လိမည်။ အရာ သူရို့စာ ကိုယ်ရို့မာ ဆိုးယုတ်စာ ကာမဂုဏ်အလိုဆန္ဒအတိုင်း နီထိုင်ကတ်လိမည်။ 4အရာ သူရို့စာ ပြောကတ်လိမည်၊ “သူကြွလာဖို့ ဟို့ ဂတိခံထားခစာ ဇာဖြစ်နီဗျာလည်း? အကြောင်းကား ကမ္ဘာကို ဖန်ဆင်းရေလှောက်ကပင် ဖြစ်ရို့ လာစာပိုင် ငါရို့ အဖိုးအဖီးအစိုင်လာရို့ သီလားခပြီးရေနောက်လည်း တစ်ချက်တည်းဗျာ။” 5ယေကေလည်း အယင်ကခါ ဇာ ဖြစ်လီရေလည်းဆိုစာကို ထိုလူရို့ တွက်ရဖို့စာကို မလိုကတ်။ ထာဝရဘုရားစာ ကိုယ့်စကားတော်န မဟာဂေါင်းခင်ကို ဖန်ဆင်းလီရေ။ သူစာ ကိုယ့်စကားတော်န ကမ္ဘာန ရီကို အခြားခွဲလီရေ အရာ ကမ္ဘာကို ရီထဲက ဖေါ်ထုတ်လီရေ။ 6ယင်းနောက် ထာဝရဘုရားစာ ထိုခိုက်ဟောင်းက ကမ္ဘာကို ရီမင်းကြီးစီရို့ ရီန ဖျက်စီးဘိုက်လီရေ။ 7အရာ ဒေဂုဟိစာ မဟာဂေါင်းခင်န ကမ္ဘာကို မီးတိုက်ဖို့အတွက် ထာဝရဘုရားစာ တစ်ချက်တည်း စကားတော်န ကာကွယ်ရို့ထားရေ။ ထာဝရဘုရားစာ လူဆိုးရို့ကို တရားစစ်ဆေးဖို့စာနိန ဖျက်စီးဖို့စာနိ တိုင်အောင် ယင်းသျှင့်တိကို ကာကွယ်ရို့ထားရေ။ 8ယေကေလည်း ငါ ချစ်ခင်စာ ညီအစ်ကိုမောင်နမှရို့၊ အသျှင်အတွက် တစ်ရက်စာ အနှစ်တစ်ထောင်နတူရေ အရာ အနှစ်တစ်ထောင်စာ တစ်ရက်နတူရေဆိုစာကို နင်ရို့ မှတ်ထားကတ်။ 9တစ်ချိုးလူရို့ မှတ်ကတ်တေ၊ “အသျှင်စာ ကိုယ်ခံထားစာ ဂတိတော် ဖြည့်ပီးဖို့စာကို ကောင်းကောင်း အကြာထားရေ။” ယေကေလည်း သူရို့ မှတ်ကတ်စာပိုင် မဟုတ်။ အသျှင် နင်ရို့ကို သည်းခံရို့ စောင့်နီစာ ဖြစ်တေ၊ အကြောင်းကား သူစာ တစ်ယောက်ကိုလည်း ပျက်စီးခြင်းတို့ မရောက်စီချင်။ ယင်းထက်ပင် သူစာ အားကုံးသူကို စိတ်ပြောင်းလှဲစီချင်ရေ။ 10ယေကေလည်း အသျှင် ကြွလာဖို့စာ နိရက်စာ ညဉ့်မာ သူခိုး လာစာပိုင် ရောက်လာလိမည်။ ယင်းနိခါ မဟာဂေါင်းခင်စာ ကြီးနိုင်သရိအသံန ကွယ်ပျောက်လားလိမည် အရာ နီ၊ လ၊ ကြယ်တိလည်း မီးလောင်လားလိမည်။ ယင်းသျှင့်ကိုအပယ် ကမ္ဘာန ကမ္ဘာမာ ဟိသမျ အားကုံး ပေါ်ထွန်းလိမည်။ 11– 12ဟိသမျ အားကုံး ပျက်စီးဖို့ ပျင်နီရေဆိုစာကို နင်ရို့ကား သိကတ်တေ။ ယင်းအတွက်န နင်ရို့မာ အကျင့်သီလ ဇာပိုင် ဖြစ်ဖို့ သင့်ရေလည်းဆိုစာကို နင်ရို့ စဉ်းစားကြည့်ကတ်။ အရာ ထာဝရဘုရား ကြွလာဖို့စာနိအတွက် အောက်မိခြင်းစိတ်န စောင့်နီရေခါ နင်ရို့ သသန့်ရှရှင်း နီထိုင်ကတ်ရဖို့ အရာ ထာဝရဘုရား၏ လမ်းမာ လားကတ်ရဖို့။ ယင်းနိခါ မဟာဂေါင်းခင်စာ မီးလောင်ရို့ ပျက်စီးလိမည် အရာ နီ၊ လ၊ ကြယ်တိလည်း မီးလောင်ရို့ ပျိုကျလားလိမည်။ 13ယေကေလည်း ထာဝရဘုရား ဂတိခံလီစာ ဂေါင်းခင်အသစ်န ကမ္ဘာအသစ်ကို ဒေဂု ငါရို့ စောင့်နီကတ်တေ။ ထိုကမ္ဘာအသစ်မာ ထာဝရဘုရား၏ ရိုးသားခြင်းန ပြည့်စုံလိမည်။အဆုံးသတ်ချက် စကား
14ငါ ချစ်ခင်စာ ညီအစ်ကိုမောင်နမှရို့၊ ဒေဂု နင်ရို့ ထိုနိရက်တိအတွက် စောင့်နီကတ်တေ။ ယင်းအတွက်န အသျှင် ကြွလာရေခါ နင်ရို့ကို အပြစ်နကင်းသူအဖြစ် အရာ အနာအဆာနကင်းသူအဖြစ် ငငြိမ်းချချမ်း နီထိုင်ရို့ မြင်ရလတ်အောင် နင်ရို့ ကြိုးစားအားထုတ်ကတ်။ 15နင်ရို့ မှတ်ထားကတ်၊ လူရို့ ကယ်တင်ခြင်းကို ရကတ်ပတ်စီအတွက် ငါရို့မာ အသျှင် သည်းခံရို့ စောင့်နီရေ။ ငါရို့မာ ချစ်ခင်စာ ညီအစ်ကို ပေါလုလည်း ထာဝရဘုရားပီးစာ ညာဏ်ပညာန ထိုအကြောင်းကို နင်ရို့တို့ ရွီးလီရေ။ 16ပေါလုစာ ထိုအကြောင်းတိကို သူ၏ ဟိသမျ စာစောင်မာ ရွီးလီရေ။ ယေကေလည်း သူ၏ စာစောင်မာ တစ်ခုတစ်ရီ နားလည်ဖို့ ခက်ခဲစာ အကြောင်းတိလည်း ပါရေ။ ယင်းအတွက်န ထာဝရဘုရား၏ စကားတော်ကို နားမလည်သူရို့န စိတ်အားနည်းသူရို့စာ ထိုခက်ခဲစာ အကြောင်းတိကို နားမလည်ဘိုင်းန အဓိပ္ပါယ်ကို ရှင်းပြကတ်တေ။ သူရို့စာ အခြား ကျမ်းချက်တိကိုလည်း ယင်းပိုင် ရှင်းပြကတ်တေ။ ယင်းအတွက်န သူရို့စာ ကိုယ်ရို့ကို ပျက်စီးခြင်းတို့ ရောက်အောင် လုပ်ကတ်တေ။ 17ငါ ချစ်ခင်စာ ညီအစ်ကိုမောင်နမှရို့၊ ထိုအကြောင်းတိကို နင်ရို့ အယင်ဆုံး သိရကတ်တေအတွက်န နင်ရို့ သတိထားကတ်။ ယင်းပိုင်ဆိုကေ ထိုဆိုးယုတ်စာ လူရို့မာ မှားယွင်းခြင်းတိစာ နင်ရို့ကို အပြစ်လမ်းတို့ ယူလားနိုင်လိမည် မဟုတ် အရာ နင်ရို့စာ ကိုယ်ရို့မာ ခိုင်မာစာ ကျုံခြင်းတရားကို စွန့်ရို့ လားကတ်လိမည် မဟုတ်။ 18ယင်းထက်ပင် ငါရို့မာ အသျှင်န ကယ်တင်သျှင် ယေရှုခရစ်တော်၏ သနားကြင်နာခြင်းကို သိကျွမ်းရို့ ကြီးပွါးနီကတ် အရာ သူ့ကို သိကျွမ်းရို့ ကြီးပွါးနီကတ်။ ဒေဂုကပင် ထာဝရပတ်လုံး သူ၏ ဘုန်းကြီးပါစီ။ အာမန်။
Copyright information for
RmzSC